Friday, October 23, 2020
Home បរិស្ថាន

បរិស្ថាន

អ្នកស្លាប់ដោយទឹកជំនន់នៅបន្ទាយមានជ័យកើនដល់១៩នាក់ខណៈជម្លៀសកើនដល់ជាង៥ពាន់គ្រួសារ

របាយការណ៍ពីខេត្តបន្ទាយមានជ័យបានបញ្ជាក់ថា គិតត្រឹមថ្ងៃទី២២តុលានេះ គ្រោះទឹកជំនន់ដែលហូរពីប្រទេសថៃ បានធ្វើឱ្យខេត្តក្រុងចំនួន៩របស់ខេត្តបន្ទាយមានជ័យរងការ​ជន់លិច ប៉ះពាល់ផ្ទះជាង៣៤ពាន់ខ្នងនិងពលរដ្ឋជាង១សែន៤ម៉ឺននាក់ ក្នងនោះធ្វើឱ្យមនុស្ស​ស្លាប់កើនដល់១៩នាក់ដែលមានក្មេង៣នាក់ និងជម្លៀសទៅកាន់ទីទួលសុវត្ថិភាពកើនដល់ ៥ ២៧២ គ្រួសារស្មើរជិត២ម៉ឺននាក់។ បើប្រៀបធៀបទៅថ្ងៃម្សិលមិញនេះ ពលរដ្ឋដែលបានជម្លៀសមកកន្លែងសុវត្ថិភាពមានជាង៤ពាន់គ្រួសារ និងអ្នកលង់ទឹកស្លាប់១៨ប៉ុណ្ណោះ។ ក្រៅពីនេះ ស្រូវជាង៤ម៉ឺនហិកតា ដំណាំដំឡូងមីជាង១ម៉ឺនហិកតា...

កម្មករសំណង់ធ្វើខុនដូរចិននិងខ្មែរជាង១០០នាក់តវ៉ាសុំបើកប្រាក់ខែ

ភ្នំពេញ៖កម្មករសំណង់ជនជាតិចិន៨៩នាក់និងខ្មែរ២៣នាក់ បាននាំគ្នាបិទផ្លូវ៥០៨ ក្នុងសង្កាត់ផ្សារដើមថ្កួវ ខណ្ឌចំការមន នៅថ្ងៃទី២១តុលានេះ ដើម្បីតវ៉ាទាមទារឱ្យម្ចាស់ក្រុមហ៊ុន​ខុនដូរពួកគេបើកប្រាក់ខែតាមពេលកំណត់។ តំណាងកម្មករ និងជាអ្នកបកប្រែភាសាចិនកញ្ញា ឡេង ស្រីលក្ខ បានអះអាងថា ថៅកែជាជនជាតិចិន មិនបានបើកប្រាក់ខែឲ្យកម្មករអស់រយៈពេល៣ខែមកហើយ។ កញ្ញាថា៖«ពួកខ្ញុំរង់ចាំរយៈពេល៣ ខែហើយតាំងពីខែ៦មក តែថៅកែអត់ដែលបើកលុយឲ្យសោះ...

ស៊ុយអែតផ្ដល់ថវិកាជិតកន្លះលានដុ​ល្លារ​ដើម្បីបង្កើតរបរដាំកូនឈើឱ្យពលរដ្ឋ​ជាង​១​ពាន់​គ្រួសារ​

ភ្នំពេញ៖ស្ថាតទូតស៊ុយអែតបានប្រកាសផ្ដល់ថវិការជិតកន្លះលានដុល្លារ ដើម្បីផ្ដល់ការគាំទ្រផ្នែកហិរញ្ញវត្ថុដល់សហគមន៍ជនបទ១៦០០គ្រួសារ ស្ថិតក្នុងខេត្តពោធិ៍សាត់ និងសៀមរាប ដើម្បីដាំដើមឈើនៅក្នុងមូលដ្ឋានរបស់ពលរដ្ឋទាំងនេះ បង្កើតជាស្ថានីយ៍បណ្ដុះកូនឈើ និងចូលរួមក្នុងសកម្មភាពអភិរក្សដទៃទៀតទូទាំងប្រទេស។កម្មវិធីនេះ នឹងត្រូវអនុវត្តក្រោមការដឹកនាំរបស់ក្រសួង បរិស្ថាន​​ដោយមានការគាំទ្រផ្នែក​​បច្ចេកទេសពី UNDP តាមរយៈគម្រោងកសាងបរិយាកាសអំណោយផល សម្រាប់ការអភិវឌ្ឍប្រកប ដោយចីរភាព (BESD)។ លោក ទិន ពន្លក រដ្ឋលេខាធិការក្រសួងបរិស្ថាន បានឲ្យដឹងថា...

អ្នក​ស្លាប់​ដោយ​សារ​ទឹក​ជំនន់​និង​បាក់​ដី​នៅ​វៀត​ណាម​កើន​១០៥​នាក់​

ពលរដ្ឋវៀតណាមស្លាប់ដោយទឹកជំនន់និងការបាក់ដីបង្កឡើងដោយភ្លៀងធ្លាក់ខ្លាំង បាន​កើនដល់១០៥នាក់និងបាត់ខ្លួន២៧នាក់ក្នុងរយៈពេលពីរសប្តាហ៍ចុងក្រោយនេះ។ ក្នុងចំណោមអ្នកស្លាប់១០៥នាក់ គឺមួយចំនួនជាកងទ័ព។ ប្រជាជនវៀតណាមរាប់លាននាក់ កំពុងប្រឈមនឹងគ្រោះមហន្តរាយទ្វេ ស្របពេលប្រទេសនេះ កំពុងទទួលរងផលប៉ះពាល់ស្រាប់ពីកូវីដ១៩។ គេព្រមានថា វៀតណាមនឹងមានភ្លៀងធ្លាក់ច្រើនបន្ថែមទៀតនៅប៉ុន្មានថ្ងៃខាងមុខនេះ ដែលធ្វើឱ្យមានការភ័យខ្លាចកាន់តែខ្លាំងថា ទឹកជំនន់អាចនឹងកើនឡើងថែមទៀត។ ទឹកជំនន់បានបណ្តាលឱ្យលិចផ្ទះយ៉ាងតិចណាស់ចំនួន...

អ្នកស្លាប់​ដោយ​សារ​គ្រោះ​ទឹក​ជំនន់​កើន​ដល់​៣៤​នាក់​

ពលរដ្ឋកើនដល់៣៤នាក់បានស្លាប់ដោយសាររងគ្រោះទឹកជំនន់ ក្នុងនោះខេត្តបន្ទាយមាន​ជ័យមានអ្នកស្លាប់ច្រើនជាងគេចំនួន១៨នាក់។ គិតត្រឹមថ្ងៃទី២១តុលានេះ ក្នុងខេត្តបន្ទាយមានជ័យ មានស្រុកចំនួន ៩ ដែលរងប៉ះពាល់ដោយសារគ្រោះទឹកជំនន់។ ប្រជាជនចំនួន ៤៥៥៧គ្រួសារ ស្មើ ១៦ ៨១៣នាក់ត្រូវជម្លៀស ខូចខាតដំឡូងមីចំនួន ១០២៥៩ហិកតា ដំណាំស្រូវនិងផលដំណាំផ្សេងជាង ៧ម៉ឺនហិកតា៕

មន្រ្តី៖​ពលរដ្ឋដែល​ជម្លៀស​នៅ​ខណ្ឌ​ដង្កោរ​បាន​ទៅ​វិញ​ផ្ទះ​ជិត​អស់​ហើយ​ក្រោយ​ទឹក​ស្ទឹង​ស្រក​ជាង​១ម៉ែត្រ ​

លោកស្រី គឹម ញឹប អភិបាលខណ្ឌដង្កោប្រាប់សារព័ត៌មានខ្មែរណាស់នៅថ្ងៃទី២០តុលាថា ប្រជាជនដែលដែលបានជម្លៀងពីគ្រោះទឹកជំនន់ បានវិលត្រឡប់ទៅលំនៅឋានរបស់ខ្លួនស្មើរតែ១០០%ហើយ បន្ទាប់ពីទឹកស្ទឹងព្រែកត្នោតបានស្រកចុះវិញជាង១ម៉ែត្រហើយ។ លោកស្រីបន្តថា កម្ពស់ទឹកស្ទឹងព្រែកត្នោតមកដល់ម៉ោងនេះ មានកម្ពស់៧,៨០ម៉ែត្រ ស្រកចុះ ១,១៥ម៉ែត្រ បើធៀបនឹងថ្ងៃទី១៣តុលា ប៉ុន្តែដោយសារកម្ពុជានៅតែបន្តជួបឥទ្ធិពលព្យុះរហូតដល់ថ្ងៃទី ២៨ ខាងក្រុមការងារនៅតែមានវិធានការការពារ ហើយក្រុមកម្លាំងកងពលជើងទឹកនិងក្រុមគ្រូពេទ្យនៅតែប្រចាំការជារៀងរាល់ថ្ងៃនៅឡើយទេ។

ក្រសួង​ធន​ធាន​ទឹក​អំពាវ​នាវ​ពល​រដ្ឋ​​តាម​ដង​ទន្លេ​មេគង្គ​បង្កើន​ការ​ប្រុង​ប្រយ័ត្ន​អំពី​ទឹក​ទន្លេ​ឡើង​ជាប់​គ្នា​៦​ថ្ងៃ​

ក្រសួងធនធានទឹក និងឧតុនិយម បានជូនដំណឹងនៅថ្ងៃទី២០តុលានេះថា ឥទ្ធិពលនៃ​ប្រព័ន្ធ​សម្ពាធទាប (ITCZ) ភ្ជាប់នឹងវិសម្ពាធ ដែលកំពុងបន្តអូសបន្លាយពីលើ​កម្ពុជា ​បាន​ធ្វើ​ឲ្យមានភ្លៀងធ្លាក់ច្រើននៅអាងទន្លេមេគង្គក្នុងប្រទេសឡាវ និង​តំបន់​ភាគ​ឦសាន​ប្រទេសកម្ពុជា។ ការធ្លាក់ភ្លៀងច្រើននេះ នឹងធ្វើឲ្យទឹកទន្លេមេគង្គនៅភាគខាងលើ បន្តឡើងជាលំដាប់​ក្នុង​រយៈពេលពី ៤ ទៅ ៦ ថ្ងៃខាងមុខក្នុងនោះ ដូចជានៅថ្ងៃទី២៤តុលា ទឹកទន្លេមេគង្គក្នុង​ខេត្តស្ទឹងត្រែង អាចឡើងដល់កម្រិតកម្ពស់...

ក្រុមជួយ​សង្គ្រោះ​បាន​ជម្លៀស​ប្រជា​ជន​​ចេញ​ពី​ភូមិ​បន្ទាប់​ពី​បាក់​អាង​អូរ​ខៃ​ដន​

លោក គាត ហ៊ុល អភិបាលក្រុងប៉ោយប៉ែតបានប្រាប់សារព័ត៌មានខ្មែរណាស់ខ្លីថា ការ​បាក់​ទំនប់អាងអូរខៃដនស្ថិតនៅសង្កាត់និមិត្តកាលពីព្រឹកថ្ងៃទី២០តុលានេះ បាន​ធ្វើ​ឲ្យ​ទឹក​ហូរ​ចុះទៅក្រោមដែលបណ្ដាលឲ្យប៉ះពាល់ធ្ងន់ធ្ងរទៅលើភូមិចំនួន២ គឺភូមិសូរិយា និងភូមិកូនដំរី។ បន្ទាប់ពីការបាក់ទំនប់នេះ ក្រុមជួយសង្គ្រោះបានចេញទៅជម្លៀសពលរដ្ឋ ប៉ុន្តែលោក​ គាត​ ហ៊ុល មិនទាន់ដឹងថា មានពលរដ្ឋចំនួនប៉ុន្មានដែលត្រូវជម្លៀសនោះទេ។ លោកថា៖«ទំនប់អាងខៃដននេះ...

ក្រសួង​ធន​ធា​នទឹក​ថា​កម្ពុជា​នឹង​មាន​ភ្លៀង​ធ្លាក់​និង​ខ្យល់​កន្ត្រាក់​រហូត​ដល់​ថ្ងៃ​ទី​២៨​តុលា​

ក្រសួងធនធានទឹកនិងឧតុនិយមបានចេញការព្យាករណ៍អាកាសធាតុជាថ្មីនៅថ្ងៃទី២០​តុលា​នេះថា ចាប់ពីថ្ងៃតី២១ដល់ថ្ងៃទី២៨តុលា បណ្ដាខេត្តនៅតំបន់វាលទំនាបកណ្ដាល បណ្ដា​ខេត្តនៅជាប់ជួរភ្នំដងរែកនិងតំបន់ខ្ពង់រាបភូមិភាគឦសាន និងតំបន់មាត់សមុទ្រនឹងបន្តមានភ្លៀងធ្លាក់ពីតិចទៅបង្គួរឬពីតិចទៅមធ្យម។ ក្រសួងបានអំពាវនាវឱ្យពលរដ្ឋនៅតាមបណ្ដាខេត្តទាំងនេះ ត្រូវបង្កើនការប្រុងប្រយ័ត្នផ្គរ​រន្ទះ ​ខ្យល់កន្ត្រាក់ ជាពិ​សេសចាប់ពីថ្ងៃទី២៤ដល់ថ្ងៃទី២៨ នឹងអាចមានខ្យល់បោកបក់ខ្លាំង​និងរលកទឹកសមុទ្រខ្ពស់ៗ។ ការបន្តប្រឈមមុខនឹងអាកាសធាតុបែបនេះ ដោយសារតែកម្ពុជាបន្តរងនូវខ្យល់មូសុង​និរតីកម្រិតទាបមធ្យម ប្រព័ន្ធសម្ពាធទាបនៅតែបន្តអូសបន្លាយឆ្លងកាត់ពីលើ និងស្ថិត​នៅ​មហាសមុទ្រនៅភាគខាងកើតប្រទេសហ្វីលីពីននឹងអាចកើតមានព្យុះទី១៧សូដែល ហើយ​ធ្វើដំណើរមកភាគខាងជើងរបស់ប្រទេសវៀតណាម។

មនុស្សលង់ទឹកស្លាប់ពេលគ្រោះទឹក​ជំនន់​កើនដល់២៥នាក់គិតត្រឹមថ្ងៃចន្ទ​នេះ

អ្នកស្លាប់ដោយសារលង់ទឹកបានកើនដល់២៥នាក់ គិតត្រឹមថ្ងៃទី១៩តុលានេះ ខណ:គ្រោះទឹកជំនន់ដែលបានកើតឡើងនៅក្នុងខេត្តក្រុងចំនួន១៩ បានឱ្យប៉ះពាល់ពលរដ្ឋជាង​៧៨​ម៉ឺនគ្រួសារឬស្មើជាង៣លាននាក់ ក្នុងនោះត្រូវបានជម្លៀសទៅកាន់កន្លែងសុវត្ថិភាពចំនួន​៩ ៣៤៩គ្រួសារ ឬស្មើជាង ៣៧ពាន់នាក់។ របាយការណ៍របស់គណ:កម្មាធិការជាតិគ្រប់គ្រងគ្រោះមហន្តរាយបានបញ្ជាក់ថា ទឹកជំនន់ក៏បានធ្វើឱ្យប៉ះ​ពាល់​ផ្ទះជាង៧៣ពាន់ខ្នង ក្នុងនោះខូតខាត៥៦ខ្នង លិចសាលារៀន៥៦៨កន្លែង ព្រមទាំងបណ្ដាលឲ្យស្រូវលិចទឹកប្រមាណ២១ម៉ឺនហិកតា និងដំណាំរួមផ្សំ៧៩ពាន់ហិកតា៕ ដោយ៖ឈុំ ចន្ថា
គេហទំព័រព័ត៌មានខ្មែរណាស់

ខ្មែរណាស់ (khmernas.com ) ជាគេហទំព័រសារព័ត៌មានដែលបង្កើតឡើងនៅឆ្នាំ ២០១៨ និងទទួលបានការអនុញ្ញាតពីក្រសួងព័ត៌មាន ដើម្បីផ្សព្វផ្សាយជាផ្លូវការនៅថ្ងៃទី ១៨ ខែតុលា ឆ្នាំ ២០១៩។ ខ្មែរណាស់ផ្តោតសំខាន់ទៅលើវិស័យអាទិភាពចំនួន ៤ គឺវិស័យកសិកម្ម សុខភាព បរិស្ថាន និងសេដ្ឋកិច្ច ។ #khmernas

Posted by Khmernas on Sunday, January 5, 2020

អត្ថបទពេញនិយម

close button