សេដ្ឋកិច្ច

មន្រ្តីខាងអាកាសចរស៊ីវិលបានលើកឡើងថា ព្រលានយន្តហោះខ្នាតតំបន់នៅខេត្តមណ្ឌល​គិរី នឹងចាប់ផ្តើមសាងសង់នៅចុងឆ្នាំ២០២១នេះ ប្រសិនការចរចាដំណាក់កាលទី២យ៉ាងតិចមានរយៈពេល៨ខែខាងមុខនេះរវាងរដ្ឋាភិបាលនិងក្រុមហ៊ុនទទួលបានជោគជ័យតាម​ការរំពឹងទុក។ លោក ស៊ីន ចាន់សិរីវុត្ថា អគ្គនាយករងនៃរដ្ឋលេខាធិការដ្ឋានអាកាសចរស៊ីវិលបានប្រាប់សារព័ត៌មានខ្មែរណាស់នៅថ្ងៃចន្ទទី៤មករានេះថា ការសាងសង់ព្រលានយន្តហោះនៅខេត្តមណ្ឌលគីរី គឺគ្រោងនឹងចំណាយទឹកប្រាក់ជិត១០០ដុល្លាអាមេរិក ដែលជាវិនិយោគដោយក្រុមហ៊ុនចិនឈ្មោះ Powerchina International Group ។ លោកបន្តថា...

​ ប្រធាន​មន្ទីរ​ទេសចរណ៍​ខេត្ត​ព្រះសីហនុ​ លោក​ តាំង​​ សុចិត្រគ្រឹស្នា បាន​ឱ្យ​ដឹង​ថា​ ភ្ញៀវទេសចរ ដែលមកកម្សាន្ដនៅខេត្តព្រះសីហនុ ក្នុងពិធីបុណ្យឆ្លងឆ្នាំសកលថ្ងៃទី៣១ ខែធ្នូឆ្នាំ២០២០ ឈានចូលឆ្នាំ២០២១​ មាន​ប្រមាណ​៥ម៉ឺននាក់ ដែលក្នុងនោះ ភ្ញៀវទេស​ចរសរុប​ចំ​នួន៣៦,៨៤៨នាក់កើនឡើង២៣,៧៣% ធៀបនឹងឆ្នាំ ២០១៩​ ។ សម្រាប់ភ្ញៀវជាតិ៣៥,២៧៨នាក់ កើនឡើង៥៦,៧៩%ធៀបនឹងឆ្នាំ ២០១៩ ភ្ញៀវបរទេស ១,៥៧០នាក់...

នៅឆ្នាំ ២០២០ កម្ពុជា ទទួលភ្ញៀវបរទេសដែលបាននទិញបណ្ណចូលទស្សនារ​មណី​យអង្គរ ប្រមាណ ៤០០,៨៨៩នាក់ មានការថយចុះ ៨១.៨២% បើប្រៀប​ធៀប​ទៅ​នឹងរយៈពេលដូចគ្នាឆ្នាំ២០១៩ ។ សម្រាប់ឆ្នាំ ២០២០ ចំណូលសរុបបានចំនួន ១៨,​៦៥៤,៨២៨ដុល្លារអាមេរិក គឺមានការថយចុះ ៨១.១៧% បើប្រៀបធៀប​ទៅនឹង​រយៈពេលដូចគ្នា នាឆ្នាំ២០១៩កន្លងទៅ ។ បើតាមសេចក្ដីប្រកាសព័ត៌មាន ស្តីពី​ស្ថិតិភ្ញៀវទេសចរបរទេសទិញបណ្ណចូលទស្សនារមណីយដ្ឋានអង្គរ ប្រចាំឆ្នាំ២០២០។

នៅក្នុងសេចក្តីថ្លែងសារគេហដ្ឋាននៅទីក្រុងតាខ្មៅ សម្តេច ហ៊ុន សែន នាយករដ្ឋមន្រ្តីបញ្ជាក់ថា កម្ពុជាមានលុយសន្សំទុកតម្កល់ទុកនៅក្នុងរតនាគារជាតិប្រមាណជិត​៣​ពាន់​លានដុល្លាអាមេរិក ដោយមិនគិតបញ្ជូលនឹងប្រាក់ចំណូលជាតិឆ្នាំ២០២០ រួមទាំងមាសជា​ង​៤៤តោនផ្សេងទៀត។ ការបញ្ចេញទិន្នន័យនេះស្របពេលមានការរិះគន់ថា រដ្ឋាភិបាលបានរៃអង្គាសប្រាក់ពីពលរដ្ឋ ដើម្បីបើកប្រាក់បៀវត្សជូនមន្រ្តីរាជការអំឡុងពេលកូវីដ។ សម្តេច ហ៊ុន សែន បានលើកឡើងថា ប្រាក់បម្រុងដែលជាមាសចំនួនជាង៤៤តោននិង៤០០គីឡូ គឺក្នុងនោះមានមាសចំនួន ១២តោនកំពុងតម្កល់ទុកនៅធានាគារប្រទេសស្វីស ដែលជាកេរ្តិ៍មរតកបន្សល់ទុកដោយសម្តេចព្រះបរមរតនកោដិនាសម័យសង្គមរាស្រ្តនិយម...

ស្រ្ដីខ្មែរឥស្លាមអាយុ២៦ឆ្នាំម្នាក់ ដែលមានឈ្មោះថា លី រ៉ហីម៉ាស់ និងមានស្រុកកំណើតនៅស្រុកមេមត់ ខេត្តត្បូងឃ្មុំ បានធ្វើវីដេអូមួយមកកាន់អាជ្ញាធរកម្ពុជា ដើម្បីស្នើសុំឱ្យជួយរំដោះនាងចេញពីប្រទេសរ៉ាប៊ីសាអ៊ូឌីតមកកាន់កម្ពុជាវិញ ក្រោយពីនាងត្រូវបានមេខ្យល់ជនជាតិវៀតណាមនាំយកទៅលក់នៅប្រទេសនេះតាំងពីឆ្នាំ២០១៧ តាមរយៈការបោក​បញ្ជោត​ ថាជួយរកការងារក្នុងរោងចក្រឱ្យនាងធ្វើ។ រ៉ហីម៉ាស់ បានប្រាប់សារព័ត៌មានខ្មែរណាស់នៅយប់ថ្ងៃទី២៨ធ្នូនេះថា បន្ទាប់ពីត្រូវបានចាញ់បោកមេខ្យល់ជនជាតិវៀតណាមម្នាក់មកកាន់ប្រទេសអារ៉ាប៊ីសាអ៊ូឌីត នាងត្រូវបានរងនូវអំពើហិង្សាជាច្រើនពីខាងម្ចាស់ផ្ទះ ហើយធ្លាប់បានរត់ទៅពាក់ពឹងឱ្យប៉ូលីស​អារ៉ាប៊ីសាអ៊ូឌីតជួយដែរ ប៉ុន្តែអាជ្ញាធរប្រទេសនេះបានត្រឹមអើពើប៉ុណ្ណោះ។

សេដកិច្ច៖ កម្ពុជាបានប្រកាសជោគជ័យក្នុងការចាប់ផ្ដើមបូមបានតំណក់ប្រេងលើកដំបូងនៅថ្ងៃទី២៩ធ្នូនេះ ដែលជាការអនុវត្តដោយក្រុមហ៊ុន Kris Energyរបស់ប្រទេសសិង្ហបុរី។ មន្រ្តីក្រសួងរ៉ែនិងថាមពលបានអះអាងថា ប្រេងដែលចាប់ផ្ដើមបូមបាននេះ គឺត្រូវលក់ទៅក្រៅប្រទេសទាំងអស់ ហើយកម្ពុជានៅតែបន្តនាំចូលប្រេងចូលពីបរទេសសម្រាប់​ប្រើប្រាស់ដដែល។ លោក ជៀប សួរ ប្រធាននាយកដ្ឋានប្រេងនៃក្រសួងរ៉ែនិងថាមពលបានប្រាប់សារព័ត៌​មានខ្មែរណាស់នៅថ្ងៃទី២៩ធ្នូនេះថា កម្ពុជានៅត្រូវការនាំចូលប្រេងពីបរទេសសម្រាប់​យកមកផ្គត់ផ្គង់ដើម្បីប្រើប្រាស់ក្នុងប្រទេសដដែល ពីព្រោះប្រេងដែលពលរដ្ឋត្រូវការសម្រាប់​យានយន្ត គឺជាប្រភេទប្រេងឆ្អិនដែលកើតចេញពីរោងចក្រចម្រាញ់។

រាជរដ្ឋាភិបាលកម្ពុជាបានសម្រេចផ្តល់ប្រាក់ឧបត្ថម្ភដល់គ្រួសារក្រីក្រអំឡុងរងផលប៉ះពាល់​ការរីករាលដាលនៃជំងឺឆ្លងកូវីដ១៨ មួយដំណាក់កាលទៀត ដែលជាដំណាក់កាល​ទី​៤​និង​មានរយៈពេល៣ខែ គឺគិតចាប់ពីខែមករាដល់មីនាឆ្នាំ២០២១ខាងមុខនេះ។ លោក មាស សុខសេនសាន មន្រ្តីអ្នកនាំពាក្យក្រសួងសេដ្ឋកិច្ច និងហិរញ្ញវត្ថុបានប្រាប់សារព័ត៌មានខ្មែរណាស់នៅថ្ងៃទី២៤ធ្នូនេះថា គ្រួសារក្រីក្រដែលនឹងត្រូវទទួលបានប្រាក់ឧបត្ថម្ភក្នុងដំណាក់កាលទី៤នេះ គឺមានចំនួន ៧០៣៥៩២ គ្រួសារ ហើយក្នុងមួយខែ រដ្ឋនឹងត្រូវចំណាយ​ប្រាក់អស់ជាង ៣០លានដុល្លារ ឬស្មើជិត១០០លានដុល្លារ បើបូកសរុបទឹកប្រាក់ត្រូវ​ចំណាយទាំងអស់ក្នុងរយៈពេល៣ខែខាងមុខនេះ។

នៅថ្ងៃអង្គារ៌ទី២២ធ្នូនេះ ​សាលាដំបូង​ខេត្តសៀមរាប​ បានសម្រេចផ្ដ​ន្ទាទោស​យុវជនអ្នកចម្រៀង​រ៉េបពីរនាក់​គឺឈ្មោះ​ គា សុគុណ​ និងឈ្មោះ ឡុ​ង ពុទ្ធារ៉ា​ ពីបទញុះញង់ឱ្យ​ប្រព្រឹត្តបទឧក្រិដ្ឋ​ជាអាទិ៍ តាម​មាត្រា​ ៤៩៥​ នៃក្រមព្រហ្មទណ្ឌ។​ អង្គការលីកាដូបានចេញផ្សាយអត្ថបទខ្លីមួយថា យុវជន គា សុគុណ ត្រូវបាន​ផ្ដន្ទាទោស​ឱ្យជាប់ពន្ធនាគារ​១ឆ្នាំ៦ខែ​ និងត្រូវ​អនុវត្តទោស​ជាប់ពន្ធនាគារ​១ឆ្នាំ ​ហើយទោស​នៅសល់​ត្រូវបានព្យួរ...

នៅព្រឹកថ្ងៃទី២១ ខែធ្នូ ឆ្នាំ២០២០ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានជួបប្រជុំតាមរយៈប្រព័ន្ធវីដេអូជាមួយតំណាងក្រុមហ៊ុន Facebook ដើម្បីពិភាក្សាលើកិច្ចសហប្រតិបត្តិការក្នុងការរៀបចំការងារបច្ចេកទេស សេចក្តីព្រាង​គោលនយោបាយ និងបទប្បញ្ញត្តិសម្រាប់កំណត់ពន្ធលើសេវាឌីជីថល (Digital Services Tax) របស់ក្រុមហ៊ុនបច្ចេកវិទ្យាអន្តរ ដែលមិនចុះបញ្ជីនៅកម្ពុជា។ កិច្ចប្រជុំបានពិភាក្សាស៊ីជម្រៅលើបទពិសោធន៍របស់ក្រុមហ៊ុន Facebook...

ខេត្តស្រះកែវរបស់ប្រទេសថៃ នឹងបើកព្រំដែនឆាប់ៗនេះ ដើម្បីអនុញ្ញាតឱ្យភាគីកម្ពុជាបញ្ជូនពលករទៅធ្វើជាកម្មករនៅក្នុងចម្ការអំពៅនៅកខេត្តស្រះកែវ ស្របពេលខេត្តនេះកំពុងប្រឈមបញ្ហាខ្វះកម្លាំងពលករ។ ទោះជាយ៉ាងណាមកដល់ពេលនេះ ភាគីកម្ពុជានិង​ថៃមិនទាន់បានឯកភាពគ្នាទាំងស្រុងនៅឡើយទេ ក្រោយពីបានជួបប្រជុំគ្នាកាលពីថ្ងៃ​ទី​១៧ធ្នូម្សិលមិញនេះ។ លោក កាន ប៊ុនផុល ប្រធានការិយាល័យទំនាក់ទំនងសារធារៈនៃរដ្ឋបាលខេត្តបាត់ដំបងបានប្រាប់សារព័ត៌មានខ្មែរណាស់នៅថ្ងៃសុក្រទី១៨ធ្នូនេះថា ខាងភាគីខេត្តស្រះកែវរបស់ប្រទេសថៃ កំពុងខ្វះកម្លាំងទៅធ្វើការនៅក្នុងចម្ការអំពៅ ទើបប្រទេសនេះបានសម្រេចស្នើសុំមកភាគីខាងខេត្តបាត់ដំបង និងខេត្តបន្ទាយមានជ័យ ដើម្បីបញ្ជូនកម្មករស្របច្បាប់ទៅបំពេញការងារនៅក្នុងចម្ការអំពៅទាំងនោះ។ ប៉ុន្តែអះអាងថា ការបញ្ជូនពលករនៅពេលខាងមុខនេះ គឺមិនមែនជាលក្ខណៈទ្រង់ទ្រាយធំឡើយ...