Friday, October 23, 2020
Home ផ្លែឈើ

ផ្លែឈើ

អភិបាល​ស្រុក​បន្ទាយ​ស្រី​ជំរុញ​កសិករ​ចិញ្ចឹម​សត្វ​និង​បង្កើន​មុខ​ម្ហូប​ឲ្យ​សម្បូរ​បែប​ដើម្បី​ទាញ​ភ្ញៀវ​ទេសចរ​

អភិបាលស្រុកបន្ទាយស្រី លោក ឃីម ហ្វីណង់ បានណែនាំកសិករក្នុងស្រុក បង្កើតមុខម្ហូបឲ្យបានច្រើនសម្បូរបែប ដើម្បីបម្រើជូនភ្ញៀវទេសចរណ៍ក្នុងស្រុក ដោយមានការប្រកួតប្រជែងម្ហូបអាហារប្រចាំតំបន់ និងបង្ហាញពីចំនុចពិសេសនៃទំនៀមទម្លាប់អ្នករស់នៅតាមតំបន់ភ្នំនៅក្នុងស្រុកបន្ទាយស្រីជាដើម។ លោកថ្លែងបែបនេះ នៅថ្ងៃទី ១៥ ខែកក្កដា ឆ្នាំ ២០២០។

ផ្សារ​ចុង​សប្តាហ៍​ខេត្ត​កំពង់​ចាម ​មាន​បណ្ដុំ​ទៅ​ដោយ​បន្លែ​ផ្លែ​ឈើ​សេរី​រាង្គ​ជា​ច្រើន​មុខ​

មន្ទីរពាណិជ្ជកម្មខេត្តកំពង់ចាម បានរៀបចំផ្សារចុងសប្ដាហ៍ដែលបានដំណើរការចាប់ពីថ្ងៃសៅរ៍ និងថ្ងៃអាទិត្យ នៅមុខមន្ទីរពាណិជ្ជកម្មខេត្តកំពង់ចាមតាមបណ្តោយមាត់ទន្លេ។ តាមការផ្សព្វផ្សាយរបស់មន្ទីរពាណិជ្ជកម្មខេត្ត នៅថ្ងៃទី ២៨ខែមិថុនាឆ្នាំ២០២០នេះ ក្នុងផ្សារមានលក់បន្លែសុវត្តិភាពនិងសេរីរាង្គផ្លែឈើដែលដាំដុះដោយក្រុមកសិករក្នុងខេត្តមានដូចជា មាន់ស្រែ អង្ករ ម្សៅដំឡូងមី និងផលិតផលកសិកម្ម កែច្នៃដោយសិប្បករក្នុងខេត្តជាច្រើនមុខទៀត។

លោក សុខ ទូច៖ កម្ពុជា​ត្រូវ​តែ​ខំ​ប្រឹង​ផលិត​​កសិ​ផល ​ដើម្បី​ជួយ​សេដ្ឋ​កិច្ច​ជាតិ​ឱ្យ​រីក​ចំរើន​

ភ្នំពេញ៖​ លោក​ សុខ ទូច ប្រធានរាជបណ្ឌិត្យសភាកម្ពុជា បានថ្លែងក្នុងវេទិការពិភាក្សាតុមូលស្តីអំពី តើកម្ពុជាត្រូវត្រៀមអ្វីខ្លះដើម្បីស្តារសេដ្ឋកិច្ចជាតិ ក្រោយកូវីតបញ្ចប់ថា កម្ពុជាត្រូវតែខិតខំប្រឹងប្រែងធ្វើជាប្រទេសផលិតកសិផលអោយបានច្រើន ជាជាងនាំចូលពីបរទេសយ៉ាងច្រើនសន្ធឹកសន្ធាប់ដូចពេលបច្ចប្បន្ន ដើម្បីជួយអោយសេដ្ឋកិច្ចជាតិរឹងមាំ។ ​លោកបានបញ្ជាក់ថា ប្រទេសកម្ពុជាបច្ចប្បន្នបាននាំចូលបន្លែពីប្រទេសវៀតណាមប្រមាណ៤០០តោនក្នុងមួយថ្ងៃ ខណៈកម្ពុជាក៏អាចផលិតបន្លែទាំងនេាះបានដែរ ។

អង្គការ ​Agrisud​ បាន​ផ្ដល់​ដើម​ឈើ​ហូប​ផ្លែ​ចម្រុះ​ជាង​ ១០០០​ដើម​ដល់​​ក​សិ​​ក​រ​ក្នុង​ស្រុក​បន្ទាយ​ស្រី​

អង្គការ Agrisud ចែកដើមឈើហូបផ្លែចម្រុះជាង១០០០ដើម ជូនដល់កសិករចំនួន​២២​គ្រួសារ នៅឃុំត្បែង ក្នុងស្រុកបន្ទាយស្រី ដើម្បីលើកកម្ពស់ជីវភាពរស់នៅរបស់ប្រជាពលរដ្ឋក្នុងស្រុក និងធានាបាននូវសន្តិសុខស្បៀងអាហារនៅក្នុងគ្រួសារនីមួយៗ។ ចូលរួមជាមួយអង្គការ Agrisud ចែកដើមឈើហូបផ្លែចម្រុះជាង១០០០ដើម ជូនដល់កសិករចំនួន២២គ្រួសារ មកពីឃុំត្បែង ក្នុងស្រុកបន្ទាយស្រី។...

ដំណឹង​ល្អ៖ ​ចិន​នឹង​ទិញ​ស្វាយ​ស្រស់​គុណ​ភាព​ខ្ពស់​ពី​កម្ពុជា ​៥០​ម៉ឺន​តោន​រៀង​រាល់​ឆ្នាំ​

រដ្ឋមន្រ្តីក្រសួងកសិកម្ម រក្ខាប្រមាញ់ និងនេសាទ លោក វេង សាខុន បានឲ្យដឹងថា នៅថ្ងៃទី០៩ ខែ មិថុនា ឆ្នាំ ២០២០ កម្ពុជា-ចិន នឹងចុះហត្ថលេខាលើពិធីប្តូរសារផ្លូវការនាំចេញស្វាយស្រស់ពីកម្ពុជា ទៅកាន់ប្រទេសចិន បន្ទាប់ពីមានកិច្ចចរចារវាងរាជរដ្ឋាភិបាលកម្ពុជា និងរដ្ឋាភិបាលចិន លើការនាំចេញផ្លែស្វាយ ទៅកាន់ប្រទេសចិនដោយផ្ទាល់។

ក្រសួង​ថា​ស្វាយ​២​តោន​ដែល​ចាក់​ចោល​នៅ​ខេត្ត​កំពង់​ស្ពឺ​គឺ​ខូច​គុណ​ភាព​មិន​មែន​ដោយ​សារ​គ្មាន​អ្នក​ទិញ​នោះ​ទេ

លេខាធិការដ្ឋានអ្នកនាំពាក្យក្រសួងពាណិជ្ជកម្មបានបំភ្លឺតាមហ្វេសប៊ុកនៅថ្ងៃទី២៥មេសាថា បន្ទាប់ពីបានឃើញរូបភាព និង​វីដេ​អូ​រៀបរាប់អំពីការបង្ខំចិត្តត្រូវចាក់ចោលផ្លែស្វាយ ដោយសារគ្មានទីផ្សារក្នុងកាលៈទេសៈនៃជម្ងឺកូវីត-១៩ រួចមក ក្រុម​ការ​ងារ​ក្រសួង​ពាណិជ្ជ​កម្មបានចុះទៅធ្វើការស្រាវជ្រាវដោយចិត្តទុកដាក់ចំពោះករណីនេះ ក្នុងគោលបំណងស្វែងរកការពិត និងចាត់​វិធាន​ការ​ជាក់​លាក់​ដើម្បី​ជួយដល់កសិកររងគ្រោះ។ អ្នកនាំពាក្យបន្តថា បន្ទាប់ពីបានចុះដល់ទីតាំង និងពិនិត្យស្វាយដែលបានចាក់ចោលនេះ ព្រមទាំងសាកសួរដល់ភាគី​ពាក់​ព័ន្ធ ក្រុម​ការ​ងារបានរកឃើញថា ទីតាំងកើតហេតុស្ថិតនៅចំការស្វាយភូមិផ្សារត្រែងត្រយឹង ឃុំត្រែងត្រយឹង ស្រុកភ្នំស្រួច ខេត្ត​កំពង់​ស្ពឺ ហើយ​ស្វាយ​ទាំងនោះ ជាស្វាយដែលខូចដោយសារទុំក្នុងកញ្ចប់...

រដ្ឋមន្ត្រី​ក្រ​សួង​​កសិកម្មណែ​នាំឱ្យ​ពល​​រដ្ឋបង្កើន​ការដាំ​​ដំណាំ​កសិ​ក​ម្មផ្គ​ត់​ផ្គង់​ក្នុង​ស្រុក ​

បន្ទាប់ពីប្រមុខរាជរដ្ឋាភិបាលបានផ្តល់អនុសាសន៍ឱ្យពង្រឹងវិស័យកសិកម្មដែលជាមុខព្រួញសំខាន់នោះ រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទលោក វេង សាខុន បានណែនាំ​ឱ្យប្រជាពលរដ្ឋបង្កើនការដាំដំណាំកសិកម្មក្នុងស្រុកឱ្យបានគ្រប់គ្រាន់ ខណៈពេលមានការបិទការនាំចូលដោយសារជំងឺកូវីដ-១៩...

វីរុស​កូរ៉ូណា​បាន​ធ្វើ​ឱ្យ​ផ្លែ​ធូ​រ៉េន​ធ្លាក់​ថ្លៃ​ពាក់​កណ្ដាល​ក្នុង​ប្រទេស​ម៉ាឡេ​ស៊ី

តម្លៃ​ផ្លែ​ធូរ៉េន​នៅ​ប្រទេស​ម៉ា​ឡេ​ស៊ី​បាន​ធ្លាក់​ចុះ ក្នុង​រយៈ​ពេល​ពីរ​សប្តាហ៍​ចុង​ក្រោយ​នេះ ដោយ​សារ​តែ​មិន​សូវ​មាន​តម្រូវ​ការ​ពី​ប្រទេស​ចិន ខណៈ​ប្រទេស​កំពុង​ផ្ទុះ​ឡើង​នៃ​វីរុស​កូរ៉ូណា​ថ្មី​។ នេះ​បើ​តាម​ការ​ចុះ​ផ្សាយ​ដោយ​សារ​ព័ត៌​មាន​សិង្ហ​បុរី​CNA​នៅ​ថ្ងៃ​ទី​៧​ខែ​កុម្ភៈ​។ កសិ​ករ​ដាំ​ធូរ៉េន​នៅ​ប្រទេស​ម៉ា​ឡេ​ស៊ី​សម្រាប់​នាំ​ចេញ​ទៅ​ប្រទេស​ចិន​បាន​លើក​ឡើង​ថា ការ​រំខាន​ដល់​ឧស្សា​ហ​កម្ម​ដឹក​ទំនិញ​របស់​ប្រទេស​ចិន​ការ ការ​បិទ​ចរា​ចរណ៍​ចេញ​ចូល​នៅ​តាម​ទីក្រុង​មួយ​ចំនួន និង​ការ​ផ្លាស់​ប្តូរ​ចំណង់​ចំណូល​ចិត្ត​របស់​អ្នក​បរិ​ភោគ ដោយ​សារ​តែ​ការ​ផ្ទុះ​ឡើង​វីរុស​កូរ៉ូណា​ថ្មី​នៅ​ក្នុង​ប្រទេស​ចិន បាន​ធ្វើ​ឱ្យ​មាន​ការ​បញ្ជា​ទិញ​មាន​ភាព​យឺត​យ៉ាវ​ជាង​មុន​។ កសិ​ករ​ដាំ​ធូរ៉េន​ម្នាក់​នៅ​រដ្ឋ​Johor ដែល​ជា​អ្នក​នាំ​ផ្លែ​ឈើ​ជា​ច្រើន​ប្រ​ភេទ និង​ផ្លែ​ធូរ៉េន​ទៅ​កាន់​ទី​ក្រុង​ប៉េង​កាំង ទី​ក្រុង​សៀង​ហៃ ទី​ក្រុង​ក្វាង​ចូវ និង​ទី​ក្រុង​Qingdao បាន​ប្រាប់​សារ​ព័ត៌​មាន​CNA​ថា តម្លៃ​ផ្លែ​ធូរ៉េន​បាន​ធ្លាក់​ចុះ​យ៉ាង​ហោច​ណាស់​៥០​%​។ កសិ​ករ​នេះ​បន្ត​ថា ការ​បញ្ជា​ទិញ​បាន​ធ្លាក់​ចុះ​ស្ទើរ​តែ​ដល់​ចំណុច​សូន្យ​ ក្នុង​រយៈ​ពេល​២​សប្ដាហ៍​ចុង​ក្រោយ​នេះ ដោយ​សារ​ទី​ក្រុង​ជា​ច្រើន​របស់​ប្រទេស​ចិន បាន​បិទ​ចរា​ចរណ៍​ចេញ​ចូល​។ លោក លីម ដែល​ជា​ម្ចាស់​ចម្ការ​ធូរ៉េន​តូច​មួយ​នៅ​តំបន់​Raubប្រទេស​ម៉ា​ឡេ​ស៊ី​បាន​និយាយ​ថា រដ្ឋា​ភិ​បាល​ចិន​ មិន​បាន​បញ្ឈប់​ការ​នាំ​ចូល​ផ្លែ​ធូរ៉េន​នោះ​ទេ ប៉ុន្តែ​ការ​ផ្ទុះ​ឡើង​នូវ​មេ​រោគ​ថ្មី​នេះ បាន​បន្ថយ​ល្បឿន​នៃ​ការ​ដឹក​ជញ្ជូន​ផលិត​ផល​ឆ្លង​កាត់​ព្រំ​ដែន​ចិន​។ លោក​បន្ត​ថា ធូរ៉េន​មួយ​គីឡូ​មាន​តម្លៃ​ប្រហែល​១៤​ដុល្លារ ប៉ុន្តែ​ឥឡូវ​បាន​ធ្លាក់​ថ្លៃ​ប្រហែល​ពាក់​កណ្ដាល​។ កាល​ពី​សប្តាហ៍​មុន រដ្ឋា​ភិ​បាល​ម៉ាឡេ​ស៊ី​បាន​ផ្អាក​ជា​បណ្តោះ​អាសន្ន​ ក្នុង​ការ​ផ្តល់​ទិដ្ឋា​ការ​ដល់​ប្រជា​ជន​ទាំង​អស់​មក​ពី​ខេត្ត​ហ៊ូប៉ី​របស់​ប្រទេស​ចិន រួម​ទាំង​រដ្ឋ​ធានី​វ៉ូ​ហាន​របស់​ខេត្ត​នេះ ដែល​ជា​កន្លែង​កំពុង​ផ្ទុះ​វីរុស​កូរ៉ូណា​។ ការ​ហាម​ឃាត់​ជា​បណ្តោះ​អាសន្ន​នេះ ក៏​ត្រូវ​បាន​ពង្រីក​ដល់​ខេត្ត​ទាំង​អស់​របស់​ប្រទេស​ចិន កាល​ពី​ថ្ងៃ​ព្រហស្បតិ៍​នេះ​៕

សម្ដេច ហ៊ុន សែន ៖ ការនាំចេញស្វាយទៅកូរ៉េខាងត្បូង ត្រូវធានាគុណភាព និងកុំរកស៊ីលក់ផ្លូវ

ភ្នំពេញ៖ សម្ដេចនាយករដ្ឋមន្រ្តី ហ៊ុន សែន ផ្ដាំឱ្យក្រុមហ៊ុននាំចេញស្វាយទៅកូរ៉េខាងត្បូង ត្រូវធានាគុណភាព ដោយមិនត្រូវរកស៊ីផ្លូវឡើយ។ ការលើកឡើងរបស់សម្ដេចនេះ ធ្វើឡើងនៅក្នុងពិធីសំណេះសំណាលជាមួយពលរដ្ឋ និងពលករខ្មែរ នៅទីក្រុងសេអ៊ូល ប្រទេសកូរ៉េខាងត្បូង នារសៀលថ្ងៃទី៣ កុម្ភៈ។ សម្ដេច ហ៊ុន សែន ចាត់ទុកការនាំចេញផ្លែស្វាយ ទៅកាន់ប្រទេសកូរ៉េនេះ...

​​​​​ស្វាយ​​​កែវ​​ល្មៀត​​ជា​​ដំណាំ​​ហូប​​ផ្លែ​​​​​​​នាំ​​​មុខ​​​​គេ​​ក្នុង​​ខេត្ត​​កំពង់​​ស្ពឺ

យោងតាមរបាយការណ៍ពីមន្ទីរកសិកម្មខេត្តកំពង់ស្ពឺបានបង្ហាញថា ដំណាំឈើហូបផ្លែ​ដែល​នាំមុខគេក្នុងខេត្តកំពង់ស្ពឺ គឺស្វាយកែវល្មៀត(រមៀត)។ ក្នុងចំណោមស្រុកទាំង៨​នៃខេត្តកំពង់ស្ពឺ មានស្រុកចំនួន២ ដែលមានដាំដុះច្រើនជាងគេគឺ ស្រុកភ្នំស្រួច ក្នុងឃុំ​ត្រែង​ត្រយឹង ចំបក់ ក្រាំងដីវ៉ាយ តាំងសំរោង ដំបូករូង និងស្រុកឱរ៉ាល់ នៅឃុំរស្មីសាមគ្គី តាសាល សង្កែទាប និងហោងសំណំ ដោយដាំដុះលើផ្ទៃដីសរុប​ចំនួន៣៨.១៥០ហិចតា ស្មើ៩.៥៣៧.៥០០ដើម ។ក្នុងនោះផ្ទៃដីដែល​អោយផលមានចំនួន៣៦.៩៤៧ហិចតា ស្មើ​៩.២៣៦.៧៥០ដើម ​ដោយទិន្និផលជាមធ្យមប្រចាំឆ្នាំប្រមាណ២៧៧.១០៣តោនក្នុង​១​ឆ្នាំ​។
គេហទំព័រព័ត៌មានខ្មែរណាស់

ខ្មែរណាស់ (khmernas.com ) ជាគេហទំព័រសារព័ត៌មានដែលបង្កើតឡើងនៅឆ្នាំ ២០១៨ និងទទួលបានការអនុញ្ញាតពីក្រសួងព័ត៌មាន ដើម្បីផ្សព្វផ្សាយជាផ្លូវការនៅថ្ងៃទី ១៨ ខែតុលា ឆ្នាំ ២០១៩។ ខ្មែរណាស់ផ្តោតសំខាន់ទៅលើវិស័យអាទិភាពចំនួន ៤ គឺវិស័យកសិកម្ម សុខភាព បរិស្ថាន និងសេដ្ឋកិច្ច ។ #khmernas

Posted by Khmernas on Sunday, January 5, 2020

អត្ថបទពេញនិយម

close button