Tuesday, May 18, 2021
Home សុខភាពប្រចាំថ្ងៃ

សុខភាពប្រចាំថ្ងៃ

កម្ពុជារកឃើញអ្នកឆ្លងជាង៥ពាន់នាក់អំឡុងពេលបិទខ្ទប់រាជធានីបាន១៣ថ្ងៃ

ចាប់តាំងពីថ្ងៃទី១៥មេសា ដែលជាថ្ងៃដំបូងនៃការចាប់ផ្ដើមបិទខ្ទប់រាជធានីភ្នំពេញនិងក្រុងតាខ្មៅខេត្តកណ្ដាល និងគិតមលដល់ត្រឹមថ្ងៃទី២៦មេសានេះ ជាថ្ងៃនៃការបិទខ្ទប់បាន១៣ថ្ងៃ គឺក្រសួងសុខាភិបាលបានប្រកាសរកឃើញអ្នកឆ្លងរហូតចំនួន៥៦៨១នាក់ និងស្លាប់ចំនួន៤៤នាក់។ តួលេខឆ្លងរកឃើញអំឡុងពេលបិទខ្ទប់១៣ថ្ងៃនេះ គឺតួលេខឆ្លងខ្ពស់បំផុត បើប្រៀបធៀបនឹងរយៈពេលជាង១ឆ្នាំ គឺគិតចាប់តាំងពីពេលកម្ពុជាបានរកឃើញករណីឆ្លងដំបូងនៅថ្ងៃទី២៧មករាឆ្នាំ២០២០ មកដល់ថ្ងៃទី១៤មេសាឆ្នាំ២០២១នេះ ក្រសួងសុខាភិបាលបានប្រកាសរកឃើញអ្នកឆ្លងត្រឹមចំនួន៤៨៧៤នាក់ និងស្លាប់ត្រឹម៣៥នាក់ប៉ុណ្ណោះ។ សន្ទុះនៃការឆ្លងដ៏ខ្លាំងមិនធ្លាប់មាន បានធ្វើឱ្យរដ្ឋាភិបាលបិទរោងចក្រនិងផ្សារទាំងអស់នៅទូទាំងក្រុង ដោយសារបានរកឃើញអ្នកឆ្លងភាគច្រើន...

ខេត្ត​កណ្ដាល​មាន​អ្នក​ឆ្លង​ជិត​៧០០​នាក់​និង​ប៉ះ​ពាល់​ជាង​២​ម៉ឺន​នាក់​ក្នុង​ព្រឹត្ត​ការណ៍​២០​កុម្ភៈ​

យោងតាមតួលេខពីខេត្តកណ្ដាលបានឱ្យដឹងថា គិតត្រឹមថ្ងៃទី២៥មេសានេះ ខេត្តនេះបានរកឃើញអ្នកវិជ្ជមានកូវីដ១៩ក្នុងព្រឹត្តការណ៍សហគមន៍២០កុម្ភៈ កើនដល់ចំនួន៦៦៩នាក់ ប៉ុន្តែជាះស្បើយវិញចំនួន៣៧០នាក់ និងស្លាប់ម្នាក់ ខណៈអ្នកពាក់ព័ន្ធនឹងព្រឹត្តការណ៍នេះមានចំនួនជាង២ម៉ឺន៣ពាន់នាក់ ក្នុងនោះបានធ្វើតេស្ដចំនួន២ម៉ឺន៦រយនាក់។ រដ្ឋបាលខេត្តនេះបន្តថា អ្នកកំពុងធ្វើចត្តាឡីស័កនៅមណ្ឌលចំនួន ២.៦៦៤នាក់ អ្នកកំពុងធ្វើចត្តាឡីស័កនៅផ្ទះចំនួន៦.៦០៨នាក់ និងអ្នកបញ្ចប់ការធ្វើចត្តាឡីស័កហើយមានចំនួន ១៣.២៥៦ នាក់។

ក្រសួង​សុខា​ភិ​បាល​អនុ​ញ្ញាត​ឱ្យ​ពេទ្យ​ឯក​ជន​ទទួល​ព្យា​បាល​អ្នក​ជំងឺ​កូវីដ​

ក្រសួងសុខាភិបាលបានប្រកាសនៅថ្ងៃអាទិត្យនេះ អនុញ្ញាតឱ្យសេវាព្យាបាលឯកជននិងសម្ភពស្របច្បាប់ក្នុងរាជធានីភ្នំពេញទាំង​អស់ អាចទទួលពិនិត្យ ថែទាំ និងព្យាបាលអ្នកជំងឺកូវីដ១៩បាន ប៉ុន្តែត្រូវស្នើសុំការអនុញ្ញាតច្បាប់ពីក្រសួង។ លិខិតរបស់ក្រសួងបន្តថា ពេទ្យឯកជនទាំងនោះ ត្រូវសុំច្បាប់អនុញ្ញាតតាមរយៈនាយកដ្ឋានមន្ទីរពេទ្យ ដែលមានលេខទូរស័ព្ទ និង​តេឡេក្រាម ០១២ ៩១២ ១២២ ០១២ ៨៩១ ៥២៧ និង ០១២...

សហ​ជីព​បារម្ភ​ផ្ទុះ​កូវីដ​បើ​កម្ម​ករ​បន្ត​ប្រជ្រៀត​គ្នា​បើក​ប្រាក់​ឈ្នួល​តាម​ធនា​គារ​

លោក ហ្វា សាលី ប្រធានសម្ព័ន្ធសហជីពជាតិបានអំពាវនាវដល់រដ្ឋមន្ត្រី​ ក្រសួងការងារ​ និងសមាគមកាត់ដេរ​ គួរបញ្ឈប់ឱ្យ​ម្ចាស់​រោង​ចក្របេីកប្រាក់ឈ្នួលឱ្យកម្មករតាមធនាគារបណ្ដោះអាសន្ន និងត្រូវជួយសម្រួលឲ្បបើកប្រាក់ឈ្នួល​ នៅតាមរោងចក្រ​ និង​សហ​គ្រាសវិញ​ ដេីម្បីទប់ស្កាត់ការរីករាលដាល​ជំងឺកូវីដកូវីដ១៩​។ ការអំពាវនាវនេះ ដោយសារលោកព្រួយបារម្ភថា ក្រុមកម្មករអាចនៅតែបន្តប្រជ្រៀតគ្នាទៅបើកប្រាក់ឈ្នួលនៅតាមធនាគារនានាដូចរាល់ដងនៅអំឡុងពេលកំពុងមានការឆ្លងរាលដាលខ្លាំងនៃជំងឺកូវីដ១៩នៅពេលនេះ។ លោក ហ្វា...

ខេត្ត​កណ្ដាល​បិទ​រោង​ចក្រ​ចំនួន​២​នៅ​ស្រុក​អង្គ​ស្នួល​និង​ស្រុក​មុខ​កំពូល​ក្រោយ​កម្ម​ករ​ជាង​២០​នាក់​ឆ្លង​កូវីដ​

រដ្ឋបាលខេត្តកណ្ដាលបានលើកឡើងថា ចក្រចំនួន២ គឺរោងចក្រ ស្តាម៉ាស្ទ័រ&ហ្វ្រែង(ខេមបូឌា) ស្ថិតនៅឃុំពើក ស្រុកអង្គស្នួល និង​រោងចក្រ Six Plus ស្ថិតនៅឃុំព្រែកអញ្ចាញ ស្រុកមុខកំពូល ខេត្តកណ្តាល ត្រូវបានផ្អាកជាបណ្ដោះអាសន្ន។ ការផ្អាកនេះ បន្ទាប់ពីរោងចក្រ ស្តាម៉ាស្ទ័រ & ហ្វ្រែង (ខេមបូឌា)...

លោក គឹម សន្ដិ​ភាព​៖​ពល​រដ្ឋ​ក្នុង​តំបន់​ក្រហម​នឹង​ពិន័យ​ពី​១​លាន​ទៅ​៥​លាន​រៀល​បើ​មិន​ផ្ដល់​សំណាក​ធ្វើ​តេស្ដ​

លោក គឹម សន្ដិភាព មន្រ្តីនាំពាក្យក្រសួងយុត្តិធម៌បានសរសេរបង្ហោះក្នុងបហ្វេសប៊ុករបស់លោកនៅយប់ថ្ងៃទី២៣មេសានេះថា សាលារាជធានីភ្នំពេញបានកំណត់ជាកាតព្វកិច្ចក្នុងការយកសំណាកសម្រាប់ពលរដ្ឋទាំងអស់ដែលកំពុងរស់នៅក្នុងតំបន់ក្រហម។ លោកបន្តថា ហេតុនេះ ពលរដ្ឋទាំងនោះ ត្រូវចូលរួមសហការជាមួយសមត្ថកិច្ចក្នុងការផ្តល់សំណាកតាមគោលដៅដែលបានរៀបចំ ហើយប្រសិនបើ បុគ្គលដែលមិនសហការជាមួយមន្រ្តីសុខាភិបាល ដើម្បីយកវត្ថុសំណាកទៅវិភាគរកមេរោគកូវីដ១៩ទេនោះ នឹងត្រូវផ្តន្ទាទោសជាពិន័យអន្តរការណ៍ពី១លានរៀលទៅ៥លានរៀល។ លោកថា៖«ការបង់ប្រាក់ពិន័យអន្តរការណ៍នេះ មិនធ្វើឱ្យបុគ្គលដែលប្រព្រឹត្តអំពើល្មើសនេះ រួចផុតពីកាតព្វកិច្ចក្នុងការឱ្យមន្រ្តីសុខាភិបាលយកសំណាកទៅវិភាគរកមេរោគកូវីដ១៩នោះទេ»។

ក្រសួង​សុខា​ភិ​បាល​ប្រកាស​អ្ន​ក​ជំងឺ​នៅ​ខេត្ត​ស្វាយ​រៀង​២​នាក់​ស្លាប់​ដោយ​សារ​កូវីដ​

នៅថ្ងៃស្រុកនេះ ក្រសួងសុខាភិបាលបានជូនដំណឹងពីករណីស្លាប់ដោយសារជំងឺកូវីដ១៩ចំនួន២នាក់ នៅមន្ទីរពេទ្យខេត្តស្វាយរៀង ដែលជាបុរសអាយុ៤០ឆ្នាំម្នាក់និង៥៦ឆ្នាំម្នាក់។ យោងតាមការបញ្ជាក់របស់លោកស្រី ឱ វណ្ណឌីន មន្រ្តីនាំពាក្យក្រសួងសុខាភិបាលបានបញ្ជាក់ថា បុរសស្លាប់ទាំងពីរនាក់នេះ គឺជាករណីទី៦០និងទី៦១ និងជាអ្នកស្លាប់ដែលត្រូវដាក់បញ្ចូលទៅក្នុងសេចក្ដីប្រកាសពីចំនួនអ្នកឆ្លងប្រចាំថ្ងៃដែលត្រូវបានប្រកាសនៅរសៀលថ្ងៃមិញ។ សេចក្ដីជូនដំណឹងរបស់ក្រសួងសុខាភិបាលបញ្ជាក់ថា បុរសស្លាប់អាយុ៤០ឆ្នាំ គឺជាអ្នករស់នៅស្រុកគីរីវង្ស ខេត្តតាកែវ និងត្រូវបានធ្វើតេស្ដវិជ្ជមាននិងចូលសម្រាកព្យាបាលនៅមន្ទីរពេទ្យបង្អែកខេត្តស្វាយរៀងនៅថ្ងៃទី១៥មេសា...

ករណី​ឆ្លង​កូវីដ​ប្រចាំ​ថ្ងៃ​របស់​កម្ពុជា​ឈាន​ដល់​កំណត់​ត្រា​ថ្មី​ក្រោយ​ធ្លាក់​ចុះ​បាន​៣​ថ្ងៃ​

ក្រសួងសុខាភិបាលបានប្រកាសនៅថ្ងៃស្រុកនេះ មានអ្នកឆ្លងថ្មីចំនួន៦៥៥នាក់ អ្នកជាសះស្បើយថ្មីចំនួន២២៤នាក់ និងស្លាប់ថ្មី​២​នាក់ ដែលបានធ្វើឱ្យចំនួនឆ្លងសរុបកើនដល់ចំនួន៨៨៤៨នាក់ ជាះស្បើយសរុបកើនដល់៣១៤៤នាក់ និងស្លាប់សរុប៦១នាក់។ នេះគឺជាតួលេខឆ្លង​ប្រចាំថ្ងៃខ្ពស់បំផុត ស្របពេលវិធានការបិទខ្ទប់ទីក្រុងភ្នំពេញ១៤ថ្ងៃចាប់ពីថ្ងៃទី១៥ដល់ថ្ងៃទី២៨មេសា ក៏កាន់តែខិតជិតមក​ដល់។ តួលេខឆ្លងប្រចាំថ្ងៃខ្ពស់បំផុតនាពេលកន្លងមក គឺនៅថ្ងៃទី១៩មេសា ដែលក្រសួងសុខាភិបាលបានប្រកាសថា មានអ្នកឆ្លងចំនួន​​៦២៤នាក់...

ខេត្ត​មណ្ឌល​គិរី​រក​ឃើញ​ករណី​ឆ្លង​សហ​គមន៍​២០​កុម្ភៈ​ជា​លើក​ដំបូង​នៅយប់​​ថ្ងៃ​ម្សិល​មិញ​

សេចក្ដីជូនដំណឹងរបស់រដ្ឋបាលខេត្តមណ្ឌលគិរីបានលើកឡើងថា កាលពីយប់ថ្ងៃទី២២មេសាម្សិលមិញនេះ អាជ្ញាធរបានរកឃើញស្រ្ដីម្នាក់នៅក្នុងភូមិស្ពានមានជ័យ សង្កាត់ស្ពានមានជ័យ ក្រុងសែនមនោរម្យ បានផ្ទុកជំងឺកូវីដ១៩ពាក់ព័ន្ធនឹងការឆ្លងសហគមន៍២០កុម្ភៈ។ ស្រ្ដីរូបនេះ ត្រូវបានធ្វើតេស្ដវិជ្ជមានកូវីដ១៩ បន្ទាប់ពីបានធ្វើដំណើរជាមួយសមាជិកគ្រួសារ៥នាក់ផ្សេងទៀត ដើម្បីជូនប្ដីមកព្យា​បាល​នៅមន្ទីរពេទ្យព្រះកុសមៈនៅរាជធានីភ្នំពេញ នៅថ្ងៃទី១២មេសា។ មកដល់ថ្ងៃទី១៧មេសា ប្ដីរបស់នាង ត្រូវបានមន្ទីរពេទ្យព្រះ​កុសមៈ បញ្ជូនតាមរថយន្តោះសង្គ្រោះបន្ទាន់ឈ្មោះ ពហុព្យាបាលមានជ័យ ត្រឡប់ខេត្តមណ្ឌលគិរីវិញ។ឮ
គេហទំព័រព័ត៌មានខ្មែរណាស់

ខ្មែរណាស់ (khmernas.com ) ជាគេហទំព័រសារព័ត៌មានដែលបង្កើតឡើងនៅឆ្នាំ ២០១៨ និងទទួលបានការអនុញ្ញាតពីក្រសួងព័ត៌មាន ដើម្បីផ្សព្វផ្សាយជាផ្លូវការនៅថ្ងៃទី ១៨ ខែតុលា ឆ្នាំ ២០១៩។ ខ្មែរណាស់ផ្តោតសំខាន់ទៅលើវិស័យអាទិភាពចំនួន ៤ គឺវិស័យកសិកម្ម សុខភាព បរិស្ថាន និងសេដ្ឋកិច្ច ។ #khmernas

Posted by Khmernas on Sunday, January 5, 2020




អត្ថបទពេញនិយម