Wednesday, May 19, 2021
Home ពិភពលោកថ្ងៃនេះ

ពិភពលោកថ្ងៃនេះ

ដំរី១៨ក្បាលត្រូវរន្ទះបាញ់ងាប់នៅក្នុងប្រទេសឥណ្ឌា

មន្រ្តី​ឥណ្ឌា​បាន​រាយ​ការណ៍​នៅ​ថ្ងៃ​សុក្រ​នេះ​ថា ដំរី​ចំនួន​១៨​ក្បាល​ត្រូវ​បាន​រក​ឃើញ​ងាប់​ដែល​អាច​បណ្ដាល​មក​ពី​ការ​វាយ​ប្រហារ​ដោយ​រន្ទះ​បាញ់​ស្ថិត​នៅ​ក្នុង​រដ្ឋ​អាសាម​( Assam) ភាគ​ខាង​កើត​នៃ​ប្រទេស​។ ដំរី​ទាំង​នេះ ត្រូវ​បាន​ប្រទះ​ឃើញ​ដោយ​អ្នក​ភូមិ​កាល​ពី​ថ្ងៃ​ព្រហស្បតិ៍ ស្ថិត​នៅ​ក្នុង​តំបន់​ព្រៃ​ការ​ពារ ក្នុង​នោះ​មាន​ដំរី​ពេញ​ជំទង់​ចំនួន​១៤​ក្បាល​។ លោក Himanta Biswa Sarma អភិ​បាល​រដ្ឋ​អាសាម​បាន​លើក​ឡើង​ថា ​លោក​ព្រួយ​បារម្ភ​យ៉ាង​ខ្លាំង​អំពី​ចំនួន​ដំរី​ងាប់​ដ៏​ច្រើន​នេះ ហើយ​ថា ការ​ស៊ើប​អង្កេត​កំពុង​តែ​ធ្វើ​ឡើង​។

ប្រេស៊ីល​ផ្អាក​ចាក់​វ៉ាក់​សាំង​AstraZeneca​លើស្រ្ដី​មាន​ផ្ទៃ​ពោះ​បន្ទាប់​ពី​មាន​ករណី​ស្លាប់

កាលពីថ្ងៃអង្គារ៌កន្លងទៅនេះ រដ្ឋាភិបាលសហព័ន្ធប្រេស៊ីលបានសម្រេចផ្អាកការចាក់វ៉ាក់សាំងអាស្ដ្រាសេណេហ្កាលើស្ត្រីមានផ្ទៃពោះនៅទូទាំងប្រទេស បន្ទាប់ពីស្រ្ដីមានផ្ទៃពោះម្នាក់រស់នៅទីក្រុងរីរីយ៉ូដឺចេណេរ៉ូ (Rio de Janeiro) បានស្លាប់ដោយសារជំងឺដាច់សរសៃឈាមខួរក្បាល និងដែលប្រេស៊ីលយល់ថាអាចទាក់ទងនឹងការចាក់វ៉ាក់សាំង។ អ្នកសម្របសម្រួលកម្មវិធីចាក់វ៉ាក់សាំងរបស់ក្រសួងសុខាភិបាលប្រេស៊ីលលោកស្រី Franciele Francinato បានប្រាប់ក្រុមអ្នកសារព័ត៌មានថា ការផ្អាកនេះត្រូវបានអនុម័តជាវិធានការណ៍បង្ការទុកមុន បន្ទាប់ពីនិយតករសុខាភិបាល បានចេញការព្រមានអំពីការប្រើប្រាស់វ៉ាក់សាំងទៅលើស្ត្រីមានផ្ទៃពោះ។ អាជ្ញាធរកំពុងស៊ើបអង្កេតលើករណីនេះ...

ប្រមុខ​UN​ព្រួយបារម្ភការប្រយុទ្ធគ្នារវាងអ៊ីស្រាអែលនិង​ក្រុមប៉ាឡេស្ទីន

ការបាញ់ឆ្លើយឆ្លងគ្នារវាងក្រុមសកម្មប្រយុទ្ធប៉ាឡេស្ទីននៅតំបន់ហ្គាហ្សា និងកងទ័ពអ៊ីស្រាអែល កំពុងកើតឡើងកាន់តែខ្លាំងជាបន្តបន្ទាប់ ដែលអង្គការសហប្រជាជាតិបង្ហាញក្ដីព្រួយបារម្ភខ្លាចការប្រយុទ្ធគ្នានេះអាចនាំឱ្យគូជម្លោះទាំងពីរធ្លាក់ចូលទៅក្នុងភ្នក់​ភ្លើងសង្គ្រាមទ្រុងទ្រាយដ៏ធំមួយ។ អគ្គលេខាធិការអង្គការសហប្រជាជាតិលោក Antionio Guterres បាននិយាយថា លោកមាន​ការព្រួយបារម្ភយ៉ាងខ្លាំងចំពោះអំពើហឹង្សាដែលកំពុងកើតមាននេះ។ អ៊ីស្រាអែលនិយាយថា គ្រាប់រ៉ុកកែតជាង ១ ០០០ ដើមហើយ ត្រូវបានពួកសកម្មប្រយុទ្ធហាម៉ាសប៉ាឡេស្ទីនបាញ់ចូលមកទឹកដីខ្លួន និងបានសម្លាប់មនុស្សអស់៦នាក់។ ក្រោយមានការវាយប្រហារនេះ អ៊ីស្រាអែលក៏បានបើកការវាយប្រហារបកតាមអាកាសវិញ សំដៅទៅតំបន់ទីប្រជុំជនមានអាគារខ្ពស់ជាច្រើននៅតំបន់ហ្គាហ្សាកាលពីថ្ងៃអង្គារ៍និងថ្ងៃពុធ...

ពលរដ្ឋឥណ្ឌាយកលាមកនិងទឹកនោមគោលាបខ្លួនដើម្បីការពារជំងឺកូវីដ

ក្រុមវេជ្ជបណ្ឌិតនៅប្រទេសឥណ្ឌា បានព្រមានទៅដល់ពលរដ្ឋមួយចំនួន ដែលមានជំនឿលើលាមកនិងទឹកនោមគោ បន្ទាប់ពីពួក​គេបាននាំគ្នាយកលាបនិងស្រោចលើក្បាល មុខ រហូតពេញអស់សព្វខ្លួនប្រាណ ដើម្បីការពារកុំឱ្យឆ្លងជំងឹកូវីដ១៩។ ក្រុមវេជ្ជបណ្ឌិតបានប្រាប់ទៅដល់ពលរដ្ឋទាំងនោះថា គ្មានភស្តុតាងវិទ្យាសាស្ត្រណាមួយដែលថាលាមកនិងទឹកនោមមានប្រសិទ្ធភាពការពារ​ជំងឹ​កូវីដ​នោះទេ ផ្ទុយទៅវិញវាបង្កឱ្យមានហានិភ័យឆ្លងជំងឺផ្សេងៗ។ សារព័ត៌មាន Reuters បានចុះផ្សាយនៅថ្ងៃអង្គារ៍នេះថា ស្របពេលឥណ្ឌាកំពុងរងការរាតត្បាតដោយជំងឺកូវីដដ៏អាក្រក់បំផុត ពល​រដ្ឋ​មួយចំនួននៅរដ្ឋគូចារ៉ាត់ភាគខាងលិចនៃប្រទេស បានធ្វើដំណើរទៅកន្លែងចិញ្ចឹមសត្វគោម្ដងក្នុងមួយសប្ដាហ៍ ដើម្បីយកទឹក​នោម​និងលាមកគោមកលាបលើដងខ្លួន ដែលពួកគេមានជំនឿថា នឹងជួយឱ្យមានភាពស៊ាំក្នុងរាងកាយប្រឆាំងជំងឺកូវីដ១៩...

សាកសពស្លាប់ដោយកូវីដជិត១០០នាក់ត្រូវបានគេយកទៅបណ្ដែតទឹកចោលក្នុងទន្លេគង្គា

សាកសពហើមរលួយជាច្រើន ត្រូវបានគេប្រទះឃើញអណ្ដែតទឹកកាលពីថ្ងៃចន្ទទី១០ឧសភាម្សិលមិញនៅច្រាំងទន្លេគង្គាស្ថិតនៅទី​ក្រុង​មួយក្នុងរដ្ឋប៊ីហារ និងជាទីក្រុងស្ថិតនៅចំណុចព្រំប្រទល់រវាងរដ្ឋប៊ីហារជាមួយរដ្ឋឧត្តរប្រទេស និងកំពុងធ្វើឱ្យពលរដ្ឋរស់នៅតាមច្រាំងទន្លេនៃទីក្រុងនោះ ភ័យខ្លាចអំពីការរីកសាយភាយនៃជំងឺកូវីដ១៩។ យោងតាមសារព័ត៌មានឥណ្ឌាNDTVបានចុះផ្សាយថា ពលរដ្ឋក្នុងតំបន់ជឿជាក់ថា ទាំងនោះគឺជាសាកសពអ្នកស្លាប់ដោយ​សារ​ជំងឹ​កូវីដ​១៩ ហើយត្រូវបានសាច់ញាតិយកទៅបណ្ដែតទឹកក្នុងទន្លេគង្គាស្ថិតនៅរដ្ឋឧត្តរប្រទេស ហើយបានអណ្ដែតមកដល់រដ្ឋប៊ីហារនេះ។ លោក Ashok Kumar មន្ត្រីមូលដ្ឋាននៅរដ្ឋប៊ីហារបាននិយាយថា សាកសពដែលត្រូវបានគេប្រទះឃើញអណ្ដែតទឹកទាំនោះមានចំនួន​ប្រហែល៤០ទៅ៤៥ ហើយជាសាកសពហាក់ដូចជាត្រូវបានគេបោះចូលទៅក្នុងទឹកទន្លេ...

ឆាដ​​ក្នុង​ចំណោម​ប្រទេស​អាហ្វ្រិក​មួយ​ចំនួន​មិន​ទាន់​ទទួល​បាន​វ៉ាក់​សាំង​សូម្បី​១​ដូស​

ឆាដដែលស្ថិតនៅតំបន់អាហ្វ្រិកកណ្ដាល គឺជាប្រទេសដែលមានការអភិវឌ្ឍតិចតួចបំផុត និង១ភាគ៣នៃប្រទេសនេះគឺជាសមុទ្រខ្សាច់សាហារ៉ា។ គិតចាប់តាំងពីការផ្ទុះឡើងកូវីដជាលើកដំបូងនៅដើមខែមករាឆ្នាំ២០២០ គិតមកដល់ខែឧសភាឆ្នាំ២០២១នេះ ប្រទេសឆាដមានករណីឆ្លងកូវីដសរុបចំនួនជាង៤៨០០នាក់ ក្នុងនោះស្លាប់ចំនួន១៧០នាក់។ យោងតាមសារព័ត៌មាន AP បានចុះផ្សាយនៅថ្ងៃទី៩ឧសភានេះថា ស្របពេលក្រុមប្រទេសអ្នកមាននៅសល់វ៉ាក់សាំងស្ដុកទុករាប់​លានដូសដើម្បីចាក់ឱ្យពលរដ្ឋរបស់ខ្លួន ប៉ុន្តែសម្រាប់ប្រទេសឆាដវិញ សូម្បីតែក្រុមវេជ្ជបណ្ឌិតមើលថែអ្នកផ្ទុកកូវីដ ឬបុគ្គលិកសុខា​ភិ​បាលដែលកំពុងស្ថិតនៅជួរមុខប្រយុទ្ធប្រឆាំងជំងឺកូវីដ១៩ គឺមិនទាន់ទទួលបានវ៉ាក់សាំងចាក់នៅឡើយទេ។ ក្រុមគ្រូពេទ្យនៅក្នុងប្រទេសឆាដបានលើកឡើងថា...

ប្រទេស​ហ្ស៊ីម​បាវ៉េ​ពិ​ចា​រ​ណា​សម្លាប់​សត្វ​ដំរី​ចោល​​៥០០​ក្បាល​នៅ​ឆ្នាំ​នេះ​

រដ្ឋាភិបាលហ្ស៊ីមបាវ៉េកំពុងពិចារណាដើម្បីសម្លាប់ចោលសត្វដំរីចំនួន៥០០ក្បាលនៅក្នុងឆ្នាំនេះ និងជាការសម្លាប់ដ៏រង្គាលមួយគិតចាប់តាំងពីឆ្នាំ១៩៨៨មក ដើម្បីកាត់បន្ថយចំនួនសត្វដំរីដែលប្រទេសនេះកំពុងមានរហូត១សែនក្បាល។ សារព័ត៌មាន Bloomberg បានចុះផ្សាយនៅថ្ងៃទី៧ឧសភាម្សិលមិញថា ហ្ស៊ីមបាវ៉េដែលជាប្រទេសមានចំនួនសត្វដំរីច្រើនបំផុតលំដាប់ទី២នៅក្នុងពិភពលោកបានប្រកាសថា ចំនួនសត្វដំរីដ៏ច្រើននេះ កំពុងនាំឱ្យមានការបំផ្លាញដល់ជម្រកជីវចម្រុះផ្សេងទៀត និងបង្កើនឱ្យមានគ្រោះថ្នាក់ដល់មនុស្ស។ លោក Mangaliso Ndlovu រដ្ឋមន្រ្តីបរិស្ថាន អាកាសធាតុ ទេសចរណ៍...

អង្គ​ការ​WHO​ទទួល​ស្គាល់​វ៉ាក់​សាំង​ចិន​Sinopharm​ឱ្យ​ប្រើ​ប្រាស់​ជា​បន្ទាន់​

អង្គការសុខភាពពិភពលោក (WHO) បានសម្រេចទទួលស្គាល់វ៉ាក់សាំងកូវីដ១៩ស៊ីណូហ្វាមរបស់ចិន ដើម្បីឱ្យបានប្រើប្រាស់ជាបន្ទាន់។ នេះបើតាមការចុះផ្សាយដោយសារព័ត៌មានBBCនៅយប់ថ្ងៃទី៧ឧសភានេះ។ វាគឺជាវ៉ាក់សាំងដំបូងបង្អស់ដែលបង្កើតឡើងនៅប្រទេសក្នុងតំបន់អាស៊ីដែលទទួលបានការទទួលស្គាល់ពីអង្គការសុខភាពពិភព​លោក​។ គិតមកដលពេលនេះ មានវ៉ាក់សាំងចំនួន៥ប្រភេទហើយ ដែលទទួលស្គាល់ជាបណ្ដោះអាសន្នពីWHO ក្នុងនោះមានវ៉ាក់សាំង​ចំនួន៣ប្រភេទផលិតដោយអាមេរិក គឺវ៉ាក់សាំង Moderna វ៉ាក់សាំង Pfizer និងវ៉ាក់សាំង [email protected] ខណៈវ៉ាក់សាំង AstraZeneca បង្កើតឡើងនៅអង់គ្លេស...

អា​មេ​រិក​ព្រមាន​ថា​រុ៉ក​កែត​ចិ​ន​ដែល​លែង​គ្រប់​គ្រង​បាន​នឹង​អាច​ធ្លាក់​មក​ទី​តាំង​មនុស្ស​

នៅថ្ងៃសុក្រនេះ ប្រទេសចិនបានប្រកាសថា បំណែករ៉ុកកែតរបស់ខ្លួនដែលត្រូវធ្លាក់ចេញពីគន្លងតារាវិថី បន្ទាប់ពីផ្ដាច់ខ្លួនចេញ​ពីមូឌុលដើម្បីវិលត្រឡប់មកផែនដីវិញ គឺមានហានិភ័យទាបបំផុតដែលអាចធ្លាក់ធ្វើឱ្យប៉ះពាល់ជីវិតមនុស្ស។​ ការប្រកាសរបស់​ចិន​នេះ គឺបន្ទាប់ពីសហរដ្ឋអាមេរិកបានព្រមានថា រ៉ុកកែតដែលលែងបញ្ជាបាននោះ នឹងអាចធ្លាក់លើទីតាំងដែលមានមនុស្សរស់នៅ។ ដងខ្លួនរ៉ុកកែតដ៏ធំបំផុតហៅថា Long March-5b មានទម្ងន់១៨តោន ដែលចិនបានប្រើបាញ់បង្ហោះទៅគន្លងតារាវិថីកាលពីថ្ងៃទី២៩ខែមេសានេះ ដើម្បីបញ្ជូនមូឌុលទៅបង្កើតស្ថានីយ៍អវកាសផ្ទាល់ខ្លួន កំពុងតែមុជចូលមកបរិយាកាសវិញដោយគ្មានគោល​ដៅ​។

Melindaនឹងមានទ្រព្យសម្បត្តិ៧៣ពាន់លានដុល្លារនិងក្លាយជាសេដ្ឋីនីលេខរៀងទី២ក្នុងពិភពលោក

លោកស្រី Melinda Gates អតីតភរិយារបស់មហាសេដ្ឋីសហស្ថាបនិកក្រុមហ៊ុន Microsoft លោក Bill Gates នឹងក្លាយជាសេដ្ឋីនីមានជាងគេលើលោកឈរក្នុងតំណែងលេខរៀងទី២ បន្ទាប់ប្តីប្រពន្ធមហាសេដ្ឋីនេះសម្រេចចិត្តចែកផ្លូវគ្នាដើរ បន្ទាប់ពីរួមរស់ជាមួយគ្នាជិតបីទសវត្សកន្លងមក។ យោងតាមការចុះផ្សាយរបស់សារព័ត៌មានអង់គ្លេស The Guardian បានប៉ាន់ប្រមាណថា លោកស្រី Melinda Gates អាចនឹងមានទ្រព្យរហូតប្រមាណ៧៣ពាន់លានដុល្លា...
គេហទំព័រព័ត៌មានខ្មែរណាស់

ខ្មែរណាស់ (khmernas.com ) ជាគេហទំព័រសារព័ត៌មានដែលបង្កើតឡើងនៅឆ្នាំ ២០១៨ និងទទួលបានការអនុញ្ញាតពីក្រសួងព័ត៌មាន ដើម្បីផ្សព្វផ្សាយជាផ្លូវការនៅថ្ងៃទី ១៨ ខែតុលា ឆ្នាំ ២០១៩។ ខ្មែរណាស់ផ្តោតសំខាន់ទៅលើវិស័យអាទិភាពចំនួន ៤ គឺវិស័យកសិកម្ម សុខភាព បរិស្ថាន និងសេដ្ឋកិច្ច ។ #khmernas

Posted by Khmernas on Sunday, January 5, 2020




អត្ថបទពេញនិយម