Tuesday, July 27, 2021
Home កម្ពុជាថ្ងៃនេះ

កម្ពុជាថ្ងៃនេះ

មន្រ្តី​ខេត្ត​ព្រះ​សីហនុ​៖​មនុស្ស​៦០​នាក់​ឆ្លង​កូវីដ​ពី​ពិធី​បុណ្យ​សព​ ​

អាជ្ញាធរខេត្តព្រះសីហនុបានលើកឡើងថា មានពលរដ្ឋចំនួន៦០នាក់បានឆ្លងជំងឺកូវីដ១៩ជាបន្តបន្ទាប់ បន្ទាប់ពីពួកគេមិនស្ដាប់តាមការណែនាំរបស់អាជ្ញាធរ ហើយបានទៅចូលរួមពិធីបុណ្យសពមួយនៅភូមិ៣ ឃុំអូរត្រេះ ស្រុកស្ទឹងហាវ កាលពីថ្ងៃ​ទី​១៨​កក្កដា​កន្លងទៅនេះ។ លោក ឃាង ភារម្យ មន្រ្តីនាំពាក្យសាលាខេត្តព្រះសីហនុបានលើកឡើងតាមទំព័រហ្វេសប៊ុកថា ស្រ្ដីម្នាក់ឈ្មោះ គង់ ពៅ អាយុ៧៤ឆ្នាំបានស្លាប់បន្ទាប់ពីមានជំងឺរ៉ាំរ៉ៃអស់រយៈពេល៥ខែ ប៉ុន្តែនៅក្រោយគ្រូពេទ្យចុះយកសំណាកសពទៅធ្វើតេស្ដចេញលទ្ធផលវិជ្ជមានជំងឺកូវីដ១៩។

អភិបាលខេត្តកណ្តាលថានឹងបន្តឱ្យពលរដ្ឋវៀតណាមរស់នៅលើទន្លេមួយរយៈពេលទៀត

បែចិញ្ចឹមត្រី និងផ្ទះបណ្តែតទឹករបស់ក្រុមពលរដ្ឋវៀតណាម ដែលបានចល័តចេញពីភ្នំពេញទៅដល់ទីតាំងច្រកព្រំដែនទឹកអន្តរជាតិក្អមសំណរនៅក្នុងស្រុកលើកដែក ខេត្តកណ្ដាលតាំងពីជាង១ខែមុន នៅមិនទាន់មានការរុះរើនៅឡើយ ខណៈអភិបាលខេត្តកណ្ដាលថា នឹងអនុញ្ញាតឱ្យពួកគេបន្តរស់នៅលើទឹកទន្លេមួយរយៈពេលទៀត។ លោក គង់ សោភ័ណ្ឌ អភិបាលខេត្តកណ្តាលបានប្រាប់សារព័ត៌មានខ្មែរណាស់នៅព្រឹកថ្ងៃទី២២កក្កដាខ្លីថា ខេត្តនឹងអនុញ្ញាតឱ្យក្រុមពលរដ្ឋវៀតណាមទាំងនោះបន្តរស់នៅលើទឹកទន្លេក្នុងនាមជាជនអន្តោប្រវេសន៍ស្របច្បាប់មួយរយៈពេលទៀត ហើយមកដល់ពេលនេះ អាជ្ញាធរក៏មិនទាន់មានវិធានការណាមួយចំពោះពួកគេដែរ។ លោកថ្លែងថា៖«យើងឱ្យគាត់ស្នាក់នៅសិន មើលសន្តិសុខគាត់(ពលរដ្ឋវៀតណាម)...

អាជ្ញាធរអប្សរាជីកឃើញចម្លាក់យក្សនិងព្រះសិរទេវតានៅក្បែរប្រាសាទបាយ័ន្ត

អាជ្ញាធរ​អប្សរា​បាន​លើក​ឡើង​នៅ​ថ្ងៃ​ព្រហស្បតិ៍​នេះ​ថា ក្នុង​រយៈ​ពេល​៣​សប្តាហ៍​នៃ​ការ​ធ្វើ​កំណាយ​បុរាណ​វិទ្យា​ស្រាវ​ជ្រាវ ដើម្បី​ធ្វើ​ការ​ជួស​ជុល​ខ្លោង​ទ្វារ​តា​កាវ និង​ចម្លាក់​យក្ស និង​ទេវតា​លើ​ស្ពាន​ហាល​នៃ​ខ្លោង​ទ្វារ​តាកាវ គឺ​បាន​រក​ឃើញ​រូប​ចម្លាក់ និង​បំណែក​វត្ថុ​បុរាណ​មួយ​ចំនួន ក្នុង​នោះ​រួម​មាន​ក្បាល​និង​ដង​ខ្លួន​យក្ស និង​ព្រះ​សិរ​ទេវតា។ លោក​ស្រី គឹម សេង​ភក្តី មន្ត្រី​ផ្នែក​បុរាណ​វិទ្យា នៃ​អាជ្ញាធរ​ជាតិ​អប្សរា​បញ្ជាក់​ថា ក្បាល​យក្ស​ចំនួន​៣​នៅ​ពេញ​ល្អ និង​ក្បាល​៣​ទៀត​មាន​ត្រឹម​តែ​ពាក់​កណ្តាល ត្រូវ​បាន​រក​ឃើញ។ ជាមូយ​គ្នា​នោះ ក៏​បាន​រក​ឃើញ​ដង​ខ្លួន​អាសុរៈ​ចំនួន​៤...

ពល​ករ​ខ្មែរ​ជិត​៩​ពាន់​នាក់​​ឆ្លង​កូវីដ​នៅ​ថៃ កំពុង​ខ្វះ​អាហារ​និង​គ្មាន​ការ​ព្យា​បាល​

មន្រ្តីអង្គការសង្គមស៊ីវិលនៅក្នុងប្រទេសថៃបានលើកឡើងថា ពលករខ្មែរដែលបានឆ្លងជំងឺកូវីដ១៩នៅប្រទេសថៃ បានកើនឡើងជិត៩ពាន់នាក់  ហើយពួកគេកំពុងប្រឈមការលំបាកដោយសារខ្វះស្បៀងអាហារ និងត្រូវដេកសម្រាលព្យាបាលជំងឺនៅតាមបន្ទប់​ៗខ្លួន ខណៈរដ្ឋាភិបាលថៃបានអះអាងថា ខ្លួនមិនទទួលពលករបរទេសយកទៅព្យាបាលឡើយ ដោយពុំមានមន្ទីរពេទ្យនៅទំនេរអំឡុងពេលផ្ទុះជំងឺកូវីដខ្លាំងក្នុងរលកទី៣នេះ។ លោក លឹង សុផុន មន្ត្រីអន្តោប្រវេសន៍នៃមជ្ឈមណ្ឌលសម្ព័ន្ធភាពការងារនិងសិទ្ធិមនុស្ស(សង់ត្រាល់)ប្រចាំនៅប្រទេសថៃបានប្រាប់សារព័ត៌មានខ្មែរណាស់នៅថ្ងៃទី២១កក្ដដានេះថា កំណើននៃការឆ្លងជំងឺកូវីដ១៩នៅប្រទេសថៃ គឺមានសភាពកាន់តែធ្ងន់ធ្ងរឡើង ហើយកំពុងធ្វើឱ្យពលរកខ្មែរមានការព្រួយបារម្មណ៌កាន់តែខ្លាំង ហើយអ្នកខ្លះចង់ត្រឡប់ចូលប្រទេសកម្ពុជាវិញ ពីព្រោះពួកគេខ្លាច​ឆ្លងកូវីដហើយមិនទទួលបានការព្យាបាល។

ក្រសួង​សា​ធា​រ​ណ​ការ​ថា​សំណម​ពរ​របស់​ម្ចាស់​ឡាន​ដឹក​ដី​គឺ​ខុស​ច្បាប់​មិន​អាច​ដោះ​ស្រាយ​ឱ្យ​ឡើយ​

ក្រសួងសាធារណការនិងដឹកជញ្ជូនបានបញ្ជាក់ថា សំណមពររបស់ម្ចាស់ក្រុមហ៊ុននិងម្ចាស់រថយន្តដឹកដីចំនួន៣ចំណុច ដែលបានដាក់មកក្រសួងនោះ គឺមិនអាចដោះស្រាយឱ្យបានឡើយ ដោយសារជាសំណមពរផ្ទុយនឹងច្បាប់ស្ដីពីផ្លូវថ្នល់និងលិខិតបទ​ដ្ឋាន​គតិ​យុត្តជាធរមាន ហើយពួកគេគួរតែចូលរួមសហការទាំងអស់គ្នា ដើម្បីថែរក្សាផ្លូវថ្នល់ ស្ពាន ឱ្យនៅគង់វង្ស និងជាប់រឹងមាំតាមអាយុកាលបច្ចេកទេស ដើម្បីកាត់បន្ថយការចំណាយថវិកាជួសជុលលើផ្លូវស្ពានទាំងនោះ។ ការបញ្ជាក់របស់ក្រសួងសាធារណការនេះ គឺធ្វើឡើងនៅក្នុងសេចក្ដីប្រកាសព័ត៌មានមួយនៅថ្ងៃពុធនេះ ដើម្បីឆ្លើយតបទៅនឹងក្រុម​ម្ចាស់រថយន្តធុនធ្ងន់និងបើកបររថយន្តដឹកដី ខ្សាច់ និងថ្ម ដែលបានប្រមូលផ្ដុំគ្នាជាច្រើនរយនាក់នៅលើផ្លូវក្រវ៉ាត់ក្រុង​ទី​៣​ក្នុងក្រុងតាមខ្មៅកាលពីថ្ងៃអង្គារ៍ម្សិលមិញ ដើម្បីស្នើឱ្យក្រសួងពិចារណាបន្ធូរបន្ថយច្បាប់ដឹកលើសទម្ងន់និងការឃាត់រថយន្តរក្សាទុក​មួយឆ្នាំ។

ទូត​វៀត​ណាម​ថា ជំនួយ​កម្ពុជា​គឺ​បង្ហាញ​ស្មារតី​ស្លឹក​ឈើ​ល្អ​រុំ​ស្លឹក​ឈើ​រហែក​

ឯកអគ្គរដ្ឋទូតវៀតណាតប្រចាំកម្ពុជាបានលើកឡើងថា ជំនួយជាទឹកប្រាក់និងឧបករណ៍វេជ្ជសាស្រ្ដរបស់កម្ពុជាដែលទើបបានផ្ដល់​ឱ្យប្រទេសវៀតណាមសម្រាប់ប្រើប្រាស់ប្រយុទ្ធប្រឆាំងនឹងជំងឺកូវីដ១៩ គឺព្រឹត្តការណ៍ដ៏សំខាន់មួយ និងបង្ហាញពីប្រទេសជាបងប្អូនជិតស្និទ្ធនឹងគ្នា និងក្នុងស្មារតីស្លឹកឈើល្អរុំស្លឹកឈើរហែក។ លោក វូ ក្វាងមិញ បានសរសេរបង្ហោះតាមហ្វេសប៊ុករបស់លោកនៅថ្ងៃទី២១កក្កដានេះ ដើម្បីបង្ហាញសារជំរាបលាដែលលោកបានបញ្ចប់អាណត្តិជាអគ្គរដ្ឋទូតវៀតណាមប្រចាំកម្ពុជាតាំងពី១៩កក្កដាថា ជំនួយរបស់កម្ពុជាកាលពីពេលថ្មីៗនេះ គឺជាកាយវិការដ៏ថ្លៃ​ថ្នូ និងបង្ហាញនូវសាមគ្គីភាពដ៏ជិតស្និទ្ធ ភាពជាអ្នកភូមិផងរបងជាមួយគ្នាចេះស្រឡាញ់រាប់អានគ្នា និងជាបងប្អូនជិតស្និទ្ធចេះ​ជួយ​គ្នាទៅវិញទៅមកក្នុងគ្រាមានគ្រោះអាសន្ន ជាពិសេសក្នុងកាលៈទេសៈដែលប្រទេសកម្ពុជានៅតែជួបការលំបាកជាច្រើនក៏​ដោយ​។

ក្រុម​រថយន្ត​ដឹក​ដីតវ៉ា​នឹង​ការ​កំណត់​ទម្ងន់​និង​ការ​ឃាត់​ទុក​រថ​យន្ត១​ឆ្នាំ​របស់ក្រសួងសាធារណការ​

ក្រុមអ្នកបើកបរនិងម្ចាស់រថយន្តដឹកដីរាប់រយនាក់បានប្រមូលផ្ដុំគ្នានៅស្ថានីយ៍ថ្លឹងរថយន្តតាមបណ្ដោយផ្លូវ១១៥ ក្បែរផ្លូវ៦០ម៉ែត្រក្នុងទីក្រុងតាខ្មៅខេត្តកណ្ដាល ដើម្បីតវ៉ាទៅរដ្ឋមន្រ្តីក្រសួងសាធារណការនិងទៅនាយករដ្ឋមន្រ្តី ឱ្យជួយបន្ធូរបន្ថយច្បាប់​ដឹក​លើស​ទម្ងន់ និងស្នើសុំរថយន្តដែលត្រូវអាជ្ញាធរឃាត់ទុករយៈពេល១ឆ្នាំ ដើម្បីឱ្យពួកគេយកទៅប្រើប្រាស់ប្រកបមុខរបរដូចដើមវិញ។​ តំណាងអ្នកបើកបរយន្តដឹកដី ខ្សាច់ និងថ្មទាំងនោះបានលើកឡើងថា វិធានការរឹតបន្តឹងរបស់ក្រសួងសាធារណការនិងដឹកជញ្ជូន​ កំពុងធ្វើឱ្យប៉ះពាល់ដល់ជីវភាពពួកគេមួយកម្រិតទៀត ស្របពេលកំពុងប្រឈមនឹងវិបត្តិជំងឺកូវីដ១៩។ ពួកគេបានដាក់​សំ​ណមពរមួយចំនួនទៅរដ្ឋាភិបាល ដើម្បីអាចដឹកដី ខ្សាច់ និងថ្ម ក្នុងទម្ងន់មួយដែលអាចទូទាត់សល់ប្រាក់ចំណេញខ្លះ គឺរថយន្ត​កង់៦សុំផ្ទុក២៥តោន រថយន្តកង់១០សុំផ្ទុក៣៥តោន...

ណា​ហ្គា​វើលដ៍​បញ្ឈប់​បុគ្គ​លិក​ដែល​ខ្លះ​បម្រើ​ការ​ជាង​២០​ឆ្នាំ និង​កំពុង​ធ្វើ​​ឱ្យ​ជីវ​ភាព​ពួក​គេ​ធ្លាក់​ដុន​ដាប​ខ្លាំង​

ក្រុមបុគ្គលិកក្រុមហ៊ុនណាហ្គាវើលដ៍ ដែលត្រូវបានក្រុមហ៊ុនបញ្ឃប់និងផ្អាកពីការងារជាបន្តបន្ទាប់ កំពុងប្រឈមបញ្ហាសេដ្ឋកិច្ចក្នុងគ្រួសារយ៉ាងខ្លាំង ព្រោះពួកគេមិនអាចរកការងារថ្មីធ្វើក្នុងអំឡុងពេលរីករាលដាលជំងឺកូវីដ១៩ ហើយអ្នកខ្លះបានចេញពីភ្នំ​ពេញ​ទៅរស់នៅឯស្រុកកំណើតវិញ ដោយសារមិនអាចទប់ទល់នឹងការចំណាយថ្លៃជួលផ្ទះ ទឹក និងភ្លើងជាដើម។ លោកស្រី សោម សុផា អាយុ៤៨ឆ្នាំនិងមានស្រុកកំណើតនៅស្រុកល្វាឯម ខេត្តកណ្តាល និងជាបុគ្គលិកផ្នែកអនាម័យនៅក្រុមហ៊ុន​ណាហ្កាវើលដ៍តាំងពីឆ្នាំ១៩៩៥មក បានប្រាប់សារព័ត៌មានខ្មែរណាស់នៅថ្ងៃទី១៩កក្កដានេះថា ក្រុមហ៊ុនណាហ្គាវើលដ៍ បាន​បញ្ឃប់​ការងារលោកស្រីតាំងពីខែឧសភា ដោយសារការរើសអើងលោកស្រីដែលបានចូលជាសមាជិកសហជីព។ លោកស្រីបន្តថា...

វៀត​ណាម​នឹង​បើក​កោះ​ត្រល់​ទ​ទួល​ភ្ញៀវ​ទេសចរ​ចាក់វ៉ាក់​សាំង​រួច​នៅ​ក្នុង​ខែ​តុលា

កោះត្រល់ដែលវៀតណាមហៅថា ភូកុក នឹងត្រូវបើកស្វាគមន៍ភ្ញៀវទេសចរអន្តរជាតិដែលបានចាក់វ៉ាក់សាំងរួច ចាប់ផ្តើមពីខែតុលាខាងមុខ។ នេះបើតាមការចុះផ្សាយដោយសារព័ត៌មានវៀតណាមនៅថ្ងៃអាទិត្យម្សិលមិញ។ ក្រសួងវប្បធម៌ កីឡា និងទេសចរណ៍វៀតណាមបានស្នើឱ្យបើកកោះត្រល់ទទួលភ្ញៀវទេសចរអន្តរជាតិដោយមានលិខិតឆ្លងដែនចាក់វ៉ាក់សាំងរួច បន្ទាប់ពីក្រសួងនេះទទួលបានការពិគ្រោះយោបល់ពីក្រសួងមួយចំនួន ដូចជាក្រសួងសុខាភិបាល ក្រសួងសន្តិសុខសាធារណៈ ក្រសួងកិច្ចការបរទេស ក្រសួងការពារជាតិ ក្រសួងដឹកជញ្ជូន និងក្រសួងព័ត៌មាននិងគមនាគមន៍។ ក្នុងដំណាក់កាលដំបូងនៃបើកកោះត្រល់សាកល្បងដែលនឹងមានរយៈពេល៣ខែ...

សត្វ​ផ្សោត​ស​មុទ្រ​មួយ​ក្បាល​ងាប់ ស​ង្ស័យ​ដោយ​សារជាប់​មង

នៅថ្ងៃយប់ទី១៨កក្កដា មានសត្វផ្សោត១ក្បាលទម្ងន់៩០គីឡូក្រាម ត្រូវបានគេប្រទះឃើគងាប់នៅខាងក្រៅឆ្នេរជំទាវម៉ៅក្នុងខេត្តព្រះសីហនុ ហើយត្រូវបានគេសង្ស័យថាអាចដោយសារជាប់ឧបករណ៍នេសាទ។ លោក គឹម អាន នាយរងខណ្ឌរដ្ឋបាលជលផលខេត្តព្រះសីហនុ បានប្រាប់សារព័ត៌មានខ្មែរណាស់នៅថ្ងៃព្រឹកទី១៩កក្កដានេះថា កាលពីវេលាម៉ោង៨កន្លះយប់ថ្ងៃម្សិលមិញ មន្ត្រីជំនាញជលផលបានចុះពិនិត្យមើលផ្សោ១ ក្បាល ដែលបានងាប់នៅខាងក្រៅឆ្នេរជំទាវម៉ៅ ហើយអណ្តែតមកទើត្រឹមឆ្នេរពាយជំទាវម៉ៅ ក្នុងស្រុកព្រៃនប់ ខេត្តព្រះសីហនុ។
គេហទំព័រព័ត៌មានខ្មែរណាស់

ខ្មែរណាស់ (khmernas.com ) ជាគេហទំព័រសារព័ត៌មានដែលបង្កើតឡើងនៅឆ្នាំ ២០១៨ និងទទួលបានការអនុញ្ញាតពីក្រសួងព័ត៌មាន ដើម្បីផ្សព្វផ្សាយជាផ្លូវការនៅថ្ងៃទី ១៨ ខែតុលា ឆ្នាំ ២០១៩។ ខ្មែរណាស់ផ្តោតសំខាន់ទៅលើវិស័យអាទិភាពចំនួន ៤ គឺវិស័យកសិកម្ម សុខភាព បរិស្ថាន និងសេដ្ឋកិច្ច ។ #khmernas

Posted by Khmernas on Sunday, January 5, 2020




អត្ថបទពេញនិយម