Tuesday, May 11, 2021
Home កម្ពុជាថ្ងៃនេះ

កម្ពុជាថ្ងៃនេះ

ក្រសួង​ឱ្យ​​ពេទ្យកុំ​រើស​អើង​អ្នក​ជំងឺ បន្ទាប់​ពី​​ស្រ្ដី​ម្នាក់​​ទៀត​ឈឺ​ពោះ​​​សម្រាល​​កូន​​​នៅ​​​បន្ទប់​​ជួល​​អំឡុង​​ពេល​​ផ្ទុះ​​ជំងឺ​​កូវីដ​​

អំឡុងពេលនៃការបិទខ្ទប់នៅទីក្រុងភ្នំពេញដើម្បីទប់ស្កាត់ការឆ្លងរាលដាលជំងឺកូវីដ១៩ គឺយ៉ាងហោចណាស់មានស្រ្ដីចំនួន៣នាក់បានឆ្លងទន្លេនៅបន្ទប់ជួលដោយគ្មានពេទ្យឆ្មបនៅជិត។ នៅយប់ថ្ងៃទី៨ឧសភានេះ ស្រ្ដីស្ថិតនៅតំបន់ខ្ទប់នៅក្រោយវត្តស្ទឹងមានជ័យ បានសម្រាលកូននៅបន្ទប់ជួលដែលមានតែម្ដាយមាន​ជំងឺប្រចាំកាយនៅក្បែរ និងប្រហែល១ម៉ោងក្រោយសម្រាលរួច ទើមានអ្នកជិតខាងរៃអង្គាសប្រាក់គ្នា និងជួយលើកដាក់លើម៉ូតូកង់បីដឹកយកទៅមណ្ឌលសុខភាព ដើម្បីកាត់ទងសុកចេញពីផ្ចិតកូន និងសម្រាកព្យាបាល។ អ្នកជិតខាងបានលើកឡើងថា ស្រ្ដីរូបនេះ បានសម្រាលកូននៅបន្ទប់ជួលជាមួយម្ដាយ ខណៈប្ដីក៏កំពុងធ្វើការងារសំណង់នៅខេត្តព្រះសីហនុ និងកំពុងស្ថិតតំបន់ខ្ទប់ដូចគ្នាដែលមិនអាចចេញមកមើលប្រពន្ធបាន។ នាងត្រូវបានបង្ខំសម្រាលកូននៅបន្ទប់...

ក្រសួង​ការ​ងារ​​ប្រកាស​ឱ្យ​រោង​ចក្រ​បើក​ប្រាក់​ឈ្នួល​ក្នុង​ខែ​មេសា​ឱ្យ​កម្ម​ករ​និង​កុំ​ឱ្យ​ហួស​ថ្ងៃ​ទី​១៤​ឧសភា​

ក្រសួងការងារនិងបណ្ដុះបណ្ដាល វិជ្ជាជីវៈបានចេញសេចក្ដីជូនដំណឹងមួយឱ្យម្ចាស់រោងចក្រទាំងអស់ ត្រូវចាប់ផ្ដើមបើកប្រាក់ឈ្នួល​៥០​%នៃខែមេសានិងប្រាក់ឧបត្ថម្ភនានាទៅឱ្យកម្មករ និងមិនត្រូវឱ្យហួសថ្ងៃទី១៤ឡើយ។ ការចេញជូនដំណឹងនេះ គឺស្របពេលកម្ម​ករ​ខ្លះជាពិសេសអ្នកកំពុងស្ថិតនៅតំបន់ក្រហមកាន់តែត្អួញត្អែរអំពីការខ្វះខាតអំឡុងពេលគ្មានប្រាក់ខែនេះ។ នៅក្នុងសេចក្ដីជូនដំណឹងចេញផ្សាយនៅថ្ងៃទី៨ឧសភានេះ ក្រសួងការងារបានបន្តថា ចំពោះកម្មករដែលកំពុងស្ថិតនៅតំបន់ក្រហម​និងលឿងទុំ គឺសូមឱ្យម្ចាស់ឬនាយករោងចក្រ សហគ្រាស ពិចារណារកវិធីបើកប្រាក់ឈ្នួលនិងប្រាក់ឧបត្ថម្ភនេះ ឱ្យដូចកម្មករនៅតំបន់លឿងដែរ។ លោកស្រី គា សុខន...

ការចូលរួមពីប្រព័ន្ធផ្សព្វផ្សាយដើម្បីដោះស្រាយបញ្ហាប្រឈមរបស់កសិករហាក់នៅមានតិចតួចនៅឡើយ

ក្រុមអ្នកធ្វើការលើវិស័យសារព័ត៌មានបានយល់ឃើញផ្សេងគ្នា អំពីការចូលរួមរបស់ប្រព័ន្ធផ្សព្វផ្សាយ ដើម្បីចូលរួមដោះស្រាយអំពីបញ្ហាប្រឈមរបស់កសិករ។ អ្នកខ្លះលើកឡើងថា មូលហេតុមិនបានផ្សព្វផ្សាយឱ្យបានទូលំទូលាយ ដោយសារអ្នកសារព័ត៌មាននៅមានចំណេះដឹងតិចតួចអំពីវិស័យនេះ ប៉ុន្តែអ្នកខ្លះថា អ្នកសារព័ត៌មានបានចូលរួមគ្រប់គ្រាន់ ដើម្បីពាំនាំផលលំបាករបស់កសិករទៅដល់រដ្ឋាភិបាល។ លោក ណុប វី នាយកប្រតិបត្តិសម្ព័ន្ធអ្នកសារព័ត៌មានកម្ពុជាបានលើកឡើងថា ការរាយការណ៍ទាក់ទងនឹងវិស័យកសិកម្មទាមទារឱ្យអ្នកសារព័ត៌មាន មានចំណេះដឹងវិស័យនេះឱ្យបានស៊ីជម្រៅ មានភាពឆ្លាសវៃ និងប្រមូលព័ត៌មានឱ្យបានគ្រប់ជ្រុងជ្រោយ។ លោកបន្តថា វិស័យសារព័ត៌មាន...

លោក ខៀវ សុខឡេង៖ទុរេនជ្រុះជាង១ពាន់ផ្លែនេះអាចមានតម្លៃប្រហែល២ម៉ឺនដុល្លារ

ខ្យល់កន្ទ្រាក់កាលពីថ្ងៃទី៥ឧសភា បានធ្វើឱ្យជ្រុះផ្លែទុរេនជាង១ពាន់ផ្លែរបស់កសិករម្នាក់នៅខេត្តត្បូងឃ្មុំ។ លោក ខៀវ សុខឡេង ម្ចាស់ចម្ការទុរេនិងជាអ្នកដាំទុរេនអស់រយៈពេល២៥ឆ្នាំម្នាក់ បានប្រាប់ខ្មែរណាស់ថា ទុរេនទាំងនោះនៅខ្ចីមិនទាន់អាចលក់ដូរនៅឡើយ ហើយជាករណីដំបូងដែលលោកមានផ្លែទុរេនត្រូវជ្រុះចោលច្រើនបែបនេះ។ លោកថ្លែងដូច្នេះថា៖«ទុរេនជ្រុះជាង១ពាន់ផ្លែ ហើយទុរេននេះលក់អត់បានទេ ព្រោះវានៅសាបមិនទាន់មានជាតិផ្អែម និយាយរួមគឺនៅខ្ចី។ បើនិយាយពីខាតជាលុយវិញជាង១ម៉ឺនដុល្លារនេះ បើគិតតម្លៃបោះដុំ តែបើគិតតម្លែលក់រាយវិញប្រហែល២ម៉ឺនដុល្លារ»។

ពលរដ្ឋខ្មែរឥស្លាមខ្លះបាត់បង់ជម្រកដោយសារខ្យល់កន្ត្រាក់កាលពីល្ងាចមិញ

ខ្យល់កន្ត្រាក់ដ៏ខ្លាំងកាលពីល្ងាចថ្ងៃម្សិលមិញ បានបោកបក់បំផ្លាញទូកនេសាទរបស់ពលរដ្ឋខ្មែរឥស្លារស់នៅលើទូកអស់ជាច្រើនគ្រឿង​នៅខណ្ឌជ្រោយចង្វារ។ ប៉ុន្តែពុំបានធ្វើឱ្យមានអ្នកស្លាប់និងរងរបួសនៅក្នុងគ្រោះថ្នាក់នោះឡើយ។ លោកស្រី សេន ម៉ៃសំ អាយុ ៧២ឆ្នាំ និងជាអ្នករស់នៅលើទូកនេសាទបណ្ដែតទឹកតាំងពីចប់សម័យ ប៉ុល ពត មកបានប្រាប់ខ្មែរណាស់​ថា លោកស្រីបានស្រវេស្រវាបញ្ជូនចៅចំនួន៣នាក់ឡើងគោកបានទាន់ពេលវេលា ខណៈអ្នករស់នៅលើទូកផ្សេងទៀត បាននាំ​គ្នាលោតចុះទឹក និងខ្លះទៀតយំស្រែកពេញទូក។

ទាហានរបបសឹកភូមាជិត២០០នាក់បានស្លាប់ក្នុងហេតុការណ៍ប្រយុទ្ធគ្នាជាមួយកងទ័ពការ៉ែន

យោងតាមសារព័ត៌មាននៅភូមា The Irrawaddy បានចុះផ្សាយនៅថ្ងៃទី៦ឧសភានេះថា ភាពតានតឹងរវាងកងទ័ពនៃរបបសឹកភូមាជាមួយក្រុមប្រដាប់អាវុធជនជាតិភាគតិចការ៉ែន កាន់តែក្ដៅគគុកឡើងជាបន្តបន្ទាប់។ សារព័ត៌មាននេះបន្តថា យោងការបញ្ជាក់ពីមន្រ្តីនាំពាក្យនៃកងទ័ពជនជាតិការ៉ែន គឺក្នុងការប្រយុទ្ធគ្នាជាបន្តបន្ទាប់គិតចាប់តាំងពីថ្ងៃទី២៧ខែមីនារហូតមកដល់ដើមខែឧសភានេះ មានទាហានរបបសឹកភូមាចំនួន១៩៤នាក់បានស្លាប់និង២២០នាក់ទៀតរងរបួស។ ចំណែកខាងភាគីកងទ័ពការ៉ែនវិញ គឺមានតែចំនួន៩នាក់ប៉ុណ្ណោះស្លាប់និងរបួសចំនួន១០នាក់។ ក្រុមជនជាតិភាគតិចការ៉ែន គឺក្រុមមួយកំពុងរស់នៅតាមតំបន់ជើងភ្នំនៅខាងភាគខាងកើតនៃប្រទេសភូមាដែលស្ថិតនៅជិតព្រំដែនប្រទេសថៃ។

នាយករដ្ឋមន្រ្តីបញ្ជាខេត្តទាំងអស់មិនត្រូវធ្វើចត្តាឡីស័កលើពលរដ្ឋធ្វើដំណើរចេញពីភ្នំពេញ

នៅរសៀលថ្ងៃទី៦ឧសភានេះ សម្តេចនាយករដ្ឋមន្ត្រី ហ៊ុន សែន បានចេញសារសំឡេងបន្ទាន់មួយ ដើម្បីបញ្ជាទៅអភិបាលខេត្តទាំងអស់ឱ្យកែសម្រួលសេចក្ដីសម្រេចរបស់ខ្លួនឡើងវិញ ដែលបានតម្រូវឱ្យពលរដ្ឋដែលត្រូវធ្វើដំណើរពីភ្នំពេញចូលទៅតាមខេត្ត ត្រូវតែធ្វើចត្តាឡីស័ក១៤ថ្ងៃ ថ្វីត្បិតវិធានការបិទខ្ទប់ទីក្រុងភ្នំពេញនិងក្រុងតាខ្មៅ រួមទាំងបម្រាមគោចរឆ្លងកាត់ខេត្ត ត្រូវបានបិទបញ្ចប់​ទៅហើយនោះ។ នាយករដ្ឋមន្រ្តីបញ្ជាក់ថា ប៉ុន្តែខេត្តនៅតែបតម្រូវឱ្យអ្នកដំណើរឆ្លងខេត្តត្រូវចត្តាឡីស័ក ប៉ុន្តែមិនមែនអនុវត្តលើពលរដ្ឋដែលធ្វើដំណើរចូលខេត្តទាំងអស់នោះទេ គឺធ្វើចំពោះតែអ្នកសង្ស័យមានហានិភ័យអាចមានកូវីដ១៩ប៉ុណ្ណោះ។ ផ្ទុយទៅវិញ នាយករដ្ឋ​មន្រ្តី​ថា ខេត្តខ្លះដែលទើបបានសម្រេចឱ្យធ្វើចត្តាឡីស័ករយៈពេល១៤ថ្ងៃលើគ្រប់អ្នកដំណើរទាំងអស់នោះ គឺមិនខុសពីការបង្កើតរដ្ឋនៅក្នុងរដ្ឋនោះទេ...

ទូតអាមេរិកស្នើឱ្យដោះលែងយុវជនបរិស្ថានទាំងបីនាក់

អគ្គរដ្ឋទូតសហរដ្ឋអាមេរិកបានលើកឡើងថា យុវជនដែលហ៊ាននិយាយការពារបរិស្ថានគួរតែត្រូវបានកោតសរសើរ។ ការលើកឡើងពីទូតប្រទេសមហាអំណាចនេះ បន្ទាប់ពីតុលាការក្រុងភ្នំពេញបានសម្រេចកាត់ទោសយុវជនអង្គការមាតាធម្មជាតិចំនួន៣នាក់នៅព្រឹកថ្ងៃទី៥ឧសភានេះ។ លោក W. Patrick Murphy Murphy បានសរសេរបង្ហោះនៅក្នុងទ្វីធឺថា៖«យើងមានការព្រួយបារម្ភយ៉ាងខ្លាំងចំពោះការផ្ដន្ទាទោសសកម្មជនមាតាធម្មជាតិដោយសន្ដិវិធី។ ការហ៊ាននិយាយដើម្បីការពារបរិស្ថានកម្ពុជា ដែលកំពុងគំរាមគំហែងដោយការកាប់ឈើនិងធ្វើអាជីវកម្មដោយខុសច្បាប់ គួរត្រូវបានកោតសរសើរ»។ លោកបន្តថា សហរដ្ឋអាមេរិកទទូចឱ្យដោះលែងពួកគេ ដើម្បីឱ្យពលរដ្ឋអាចស្ដាប់លឺពីសាររបស់ពួកគេដើម្បីការពារធនធានធម្មជាតិ។

អាជ្ញា​ធរ​ថា កក្កដា សោភ័ណ្ឌ គ្មាន​បទ​ល្មើស​ទេ​ដោយ​សារ​ទៅ​ចូល​រួម​មង្គល​ការ​មុន​ធ្វើ​តេស្ដ​

អនុគណៈកម្មការស្រាវជ្រាវជំងឺកូវីដ១៩បានលើកឡើងថា យុវជន កក្កដា សោភ័ណ្ឌ ពុំបានប្រព្រឹត្តល្មើសវិធានការសុខាភិបាលចំពោះការធ្វើចត្តាឡីស័កនិងចម្លងជំងឺដោយចេតនាទៅដល់អ្នកដទៃ ដែលត្រូវប្រឈមមុខចំពោះច្បាប់ឡើយ។ ការបញ្ជាក់នេះ ដោយសារអាជ្ញាធរអះអាងថា យុវជនរូបនេះ បានទៅចូលរួមពិធីមង្គលការនៅខេត្តតាកែវមុនពេលទៅធ្វើតេស្ដមួយថ្ងៃ។ អនុគណៈកម្មការស្រាវជ្រាវជំងឹកូវីដ១៩បានសរសេរបង្ហោះតាមហ្វេសប៊ុកថា យុវជនឈ្មោះ កក្កដា សោភ័ណ្ឌ គឺបានចេញរោគសញ្ញាមិនស្រួលខ្លួនតាំងពីថ្ងៃទី៩មីនា ប៉ុន្តែមិនបានធ្វើដំណើរចាកចេញពីខុនដូរបស់ខ្លួនឡើយ។

ទូត​អា​មេ​រិក​ចង់​ឱ្យ​ក្រុម​ហ៊ុន​ចំនួន​៩​វិនិ​យោគ​នៅ​កម្ពុជា​

អគ្គរដ្ឋទូតសហរដ្ឋអាមេរិកប្រចាំកម្ពុជា ចង់ឱ្យក្រុមហ៊ុនអាមេរិកដែលមានយីហោល្បីៗចំនួន៩ទៀត ដែលភាគច្រើនជាក្រុមហ៊ុនផ្គត់ផ្គង់ម្ហូបអាហារតាមភោជនីយដ្ឋាននិងប្រភេទអាហារលឿន រួមទាំងក្រុមហ៊ុនបើកទីតាំងហាត់ប្រាណ និងកន្លែងក្មេងលេងជាដើម វិនិយោគនៅកម្ពុជា។ នៅថ្ងៃទី៥ឧសភានេះ ស្ថានទូតអាមេរិកសហការជាមួយជាមួយនាយកដ្ឋានពាណិជ្ជកម្មក្រៅប្រទេសរបស់សហរដ្ឋអាមេរិក និងការគាំទ្រពីសភាពាណិជ្ជកម្មអាមេរិកនៅកម្ពុជា បានរៀបចំពិព័រណ៍មួយ ស្តីពីសិទ្ធិធ្វើអាជីវកម្មយីហោអាមេរិក តាមប្រព័ន្ធអ៊ិនធឺណែត និងមានការចូលរួមពីក្រុមហ៊ុនអាមេរិកចំនួន៩ ដែលមានឈ្មោះល្បីៗដូចជាក្រុមហ៊ុន The Boiling Crab ក្រុមហ៊ុនChili’s ក្រុមហ៊ុន...
គេហទំព័រព័ត៌មានខ្មែរណាស់

ខ្មែរណាស់ (khmernas.com ) ជាគេហទំព័រសារព័ត៌មានដែលបង្កើតឡើងនៅឆ្នាំ ២០១៨ និងទទួលបានការអនុញ្ញាតពីក្រសួងព័ត៌មាន ដើម្បីផ្សព្វផ្សាយជាផ្លូវការនៅថ្ងៃទី ១៨ ខែតុលា ឆ្នាំ ២០១៩។ ខ្មែរណាស់ផ្តោតសំខាន់ទៅលើវិស័យអាទិភាពចំនួន ៤ គឺវិស័យកសិកម្ម សុខភាព បរិស្ថាន និងសេដ្ឋកិច្ច ។ #khmernas

Posted by Khmernas on Sunday, January 5, 2020




អត្ថបទពេញនិយម