Tuesday, July 27, 2021
Home សុខភាព

សុខភាព

អាជ្ញាធរខេត្តកំពតថាកន្លែងផលិតស្រាធ្វើឱ្យពុលស្លាប់៩នាក់ ជាកន្លែងធ្លាប់ធ្វើឱ្យពុលម្ដងហើយ

ខេត្តកំពតបានបញ្ជាឱ្យបិទទីតាំងផលិតនិងលក់ស្រាសទាំងអស់នៅទូទាំងខេត្ត បន្ទាប់ពីមានពលរដ្ឋពុលស្រាសស្លាប់ជាថ្មីម្ដងទៀត។ កាលពីថ្ងៃទី៣កក្កដា ពលរដ្ឋចំនួន៩នាក់ស្លាប់ដោយសង្ស័យពុលស្រាស ខណៈអាជ្ញាធរខេត្តកំពតថា ទីតាំងផលិតស្រាធ្វើពុលនោះ គឺធ្លាប់ត្រូវបានអាជ្ញាធរចុះណែនាំឱ្យបិទម្ដងហើយ ប៉ុន្តែនៅតែលួចផលិតបន្តរហូតធ្វើឱ្យមានពុលសារជាថ្មីនេះ។លោក ហាន ជា អធិការរងស្រុកកំពង់ត្រាចបានប្រាប់សារព័ត៌មានខ្មែរណាស់នៅថ្ងៃទី៥កក្កដានេះថា បន្ទាប់ពីមានករណីពុលស្រាជាថ្មីនៅចុងសប្ដាហ៍មុននេះ អាជ្ញាធរបានប្រកាសឱ្យបិទទីតាំងលក់និងផលិតស្រាទាំងអស់។ លោកថា៖«តាមការស្រាវជ្រាវគឺគាត់ទៅទិញពីតៀមអ្នកលក់ ហើយតៀមលក់ហ្នឹងគឺតាមការស្រាវជ្រាវនោះ គឺជាកន្លែងដែលធ្លាប់មានមនុស្សពុលលើកមុន តែកន្លែងនោះយើងធ្លាប់បានចុះណែនាំរួចហើយ ប៉ុន្តែគាត់(អ្នកបិទស្រា)លួចបិទស្រានៅក្នុងផ្ទះគាត់ ដែលយើងមិនបានដឹង។...

ព្រះសង្ឃ​ខ្លះ​ក្នុង​វត្ត​មហាមន្ត្រី​បារម្ភ​ខ្វះ​ចង្ហាន់​គ្រប់​គ្រាន់​ស្រប​ពេល​វត្ត​កំពុង​ផ្ទុះ​ជំងឺ​កូវីដ​

ព្រះសង្ឃ សិស្ស និងនិស្សិតមួយចំនួននៅក្នុងវត្តមហាមន្ត្រី បារម្ភខ្វះខាតចង្ហាន់និងអាហារ ខណៈវិត្តកំពុងផ្ទុះឆ្លងជំងឺកូវីដ១៩ និងបានធ្វើឱ្យកុដិមួយចំនួនត្រូវដាក់ឱ្យធ្វើចត្តាឡីស័ក។ ព្រះតេជគុណ ម៉ៅ សុផល ព្រះមេកុដិលេខ២នៅក្នុងវត្តមហាមន្ត្រីមានសង្ឃដីកាបានប្រាប់សារព័ត៌មានខ្មែរណាស់នៅថ្ងៃទី២កក្កដានេះ នៅក្នុងកុដិរបស់ព្រះអង្គនៅសល់កូនសិស្សចំនួន៤នាក់ និងព្រះសង្ឃចំនួន១៨អង្គកំពុងជាប់ធ្វើចត្តាឡីស័ក ដោយសារកូនសិស្សនិងព្រះសង្ឃខ្លះបាននិមន្តទៅស្រុកកំណើតមុនពេលមានការឆ្លងក្នុងវត្ត។ ព្រះអង្គបន្តថា កុដិរបស់ព្រះអង្គត្រូវបានអាជ្ញាធរមកដាក់ខ្សែចងដើម្បីឱ្យកូនសិស្សនិងព្រះសង្ឃទាំងអស់ក្នុងកុដិធ្វើចត្តាឡីស័កកាលចាប់តាំងពីព្រឹកមិញ បន្ទាប់ពីមានកូនសិស្សម្នាក់និងព្រះសង្ឃមួយអង្គបានធ្វើតេស្ដឆ្លងកូវីដ១៩។

កូវីដ៖ស្លាប់​៥៣​នាក់​និង​ឆ្លង​២១២៩នាក់​ក្នុង​រយៈ​ពេល​ពីរ​ថ្ងៃ​នេះ

នៅ​ថ្ងៃ​ទី​១កក្ក​ដានេះ ក្រសួង​សុខា​ភិ​បាល​បាន​ប្រ​កាស​មាន​អ្នក​ស្លាប់​ដោយ​សារកូវីដ​១៩​ថ្មី​ចំ​នួន២៦​នាក់ អ្នក​ឆ្លង​ថ្មី​ចំ​នួន​៩៩៩​នាក់ ជា​សះ​ស្បើយ​បន្ថែម​ចំនួន៧១៥​នាក់ និង​ជា​ករណី​ឆ្លង​និង​ស្លាប់​ថយ​បន្តិច​បើ​ប្រៀប​ធៀប​នឹង​ថ្ងៃ​ម្សិល​មិញ។ នៅ​ថ្ងៃ​ទី៣០មិថុនា គឺ​មាន​អ្នក​ស្លាប់​ចំនួន​២៧​នាក់ និង​អ្នក​ឆ្លង​ចំនួន១១៣០នាក់ និង​ជា​តួ​លេខ​ឆ្លង​និង​ស្លាប់​ប្រចាំ​ថ្ងៃ​ខ្ពស់​បំ​ផុត​មិន​ធ្លាប់​មាន​ចាប់តាំង​ពី​កម្ពុជា​រក​ករណី​ឆ្លង​ជា​លើក​ដំបូង​នៅ​ខែ​មក​រាឆ្នាំ​២០​២០ និងអ្នកជាសះស្បើយ​ចំ​នួន៦៧០នាក់។ គិត​ត្រឹម​រយៈ​ពេល​២​ថ្ងៃ​ចុង​ក្រោយ​នេះ កម្ពុជា​មាន​អ្នក​ស្លាប់​ដោយ​សារ​ជំងឺ​កូវីដ១៩​ចំ​នួន៥៣នាក់ និង​ឆ្លង​ចំនួន​២១២៩នាក់ ប៉ុន្តែ​បើ​សរុប​ទាំង​អស់​ចាប់​តាំងពី​ខែ​មករា​ឆ្នាំ២០​២០ គឺករណី​ឆ្លង​ស​រុប​បាន​កើន​ដល់​៥១៣៨៥នាក់ ក្នុង​នោះជា​សះ​ស្បើយ​វិញ​ចំនួន​៤៤៣៨៤​នាក់ និង​ស្លាប់​ស​រុប​ចំ​នួន៦២៨​នាក់។

អ្នកស្លាប់ដោយកូវីដ១៩នៅកម្ពុជាកើនដល់៥០០នាក់គិតត្រឹមថ្ងៃទី២៥មិថុនានេះ

អ្នកស្លាប់ដោយសារជំងឺកូវីដ១៩នៅកម្ពុជាបានកើនដល់៥០៩នាក់ ក្រោយពីមានអ្នកស្លាប់ថ្មីចំនួន១៦នាក់ទៀត ត្រូវបានក្រសួងសុខាភិបាលរាយការណ៍នៅថ្ងៃទី២៥មិថុនានេះ។ តាមការប្រកាសរបស់ក្រសួងដដែល គឺនៅថ្ងៃម្សិលមិញ បានរកឃើញអ្នកវិជ្ជមានថ្មីចំនួន៦៩៩នាក់ ដែលធ្វើឱ្យចំនួនឆ្លងសរុបកើនឡើងដល់៤៦០៦៥នាក់ និងមានអ្នកព្យាបាលជាសះស្បើយកើនដល់៤០៧៦៩នាក់។ កម្ពុជានៅតែបន្តមានអ្នកឆ្លងរាប់រយនាក់ជារៀងរាល់ថ្ងៃ ដែលជាសញ្ញាមួយ ត្រូវបានមន្រ្តីសុខាភិបាលព្រួយបារម្ភថា វាជាការលំបាកដើម្បីឈានទៅដល់ការកាត់ផ្តាច់នូវការរីករាលដាលក្នុងសហគមន៍ឱ្យបានឆាប់ខាងមុខនេះ។ លោកស្រី ឱ វណ្ណឌីន បានលើកឡើងពីម្សិលមិញថា ប្រសិនបើពលរដ្ឋមិនចូលរួមអនុវត្តវិធានការសុខាភិបាល ហើយចំនួនឆ្លងប្រចាំថ្ងៃនៅតែខ្ពស់ដូចរាល់ថ្ងៃនេះ នោះកម្ពុជានឹងអាចឈានដល់ការបិទខ្ទប់ជាថ្មី។

លោក​ស្រី ​ឱ វណ្ណឌីន​៖​បើ​ទុក​ឱ្យ​កូវីដ​ឆ្លង​រាប់​រយ​នាក់​ជា​រៀង​រាល់​ថ្ងៃ​ទៀត​ នឹង​អាច​បិទ​ខ្ទប់​ជា​ថ្មី​

មន្រ្តីជាន់ខ្ពស់ក្រសួងសុខាភិបាលព្រួយបារម្ភចំនួនឆ្លងប្រចាំថ្ងៃនៅពេលនេះនៅតែខ្ពស់ ហើយព្រមានថា នឹងអាចធ្វើឱ្យកម្ពុជាត្រូវអនុវត្តវិធានការបិទខ្ទប់សារជាថ្មី ប្រសិនបើពលរដ្ឋមួយចំនួនធ្វេសប្រហែសនិងលែងបន្តអនុត្តវិធានការសុខាភិបាល។ ការលើកឡើងនេះ ស្របពេលការផ្ទុះសហគមន៍២០កុម្ភៈនៅមិនទាន់អាចគ្រប់គ្រង ប៉ុន្តែមន្រ្តីបញ្ជាក់ថា ការឆ្លងនៅពេលនេះ គឺកើតឡើងជាចង្កោមៗនិងមិនទាន់ផ្ទុះឡើងទ្រុងទ្រាយធំនៅឡើយទេ។ លោកស្រី ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាលបានថ្លែងប្រាប់ក្រុមអ្នកសារព័ត៌មាននៅថ្ងៃទី២៤មិថុនានេះថា វីរុសកូវីដ១៩កំពុងតែចរាចរស្ទើរនៅទូទាំងប្រទេស រួមទាំងរកឃើញវីរុសបំប្លែងថ្មី«ដែលតា»មកប្រភពមកពីឥណ្ឌា គឺបានធ្វើឱ្យលោកស្រីព្រួយបារម្ភអំពីការផ្ទុះឡើងទ្រុងទ្រាយធំ និងអាចឈានទៅដល់ការបិទខ្ទប់សារជាថ្មី។

កម្ពុជាមានករណីសង្ស័យជំងឺគុ្រនឈីក៥១៤នាក់ក្នុងរយៈពេល៦ខែឆ្នាំ២០២១

សេចក្តីប្រកាសរបស់ក្រសួងសុខាភិបាលចេញផ្សាយនៅថ្ងៃទី១១មិថុនានេះបង្ហាញថា គិតត្រឹមថ្ងៃទី៩មិថុនា កម្ពុជាមានករណីសង្ស័យជំងឺគ្រុនឈីកចំនួន៥១៤ករណី ដែលត្រូវបានរាយការណ៍តាមរយៈប្រព័ន្ធឃ្លាំមើលជំងឺគ្រុនឈាម ហើយក្នុងនោះអ្នកសង្ស័យកើតជំងឺនេះ៨៦%ស្ថិតនៅក្នុងខេត្តរតនគិរី មណ្ឌលគិរី បាត់ដំបង់ និងខេត្តក្រចេះ។ សេចក្តីប្រកាសនេះបន្តថា ការចម្លងជំងឺគ្រុនឈីក មានសមាមាត្រខុសគ្នា តាមអាយុ ហើយក្នុងនោះ មានជាង៦៤%ឬស្មើ៣៣១នាក់ ជាមនុស្សពេញវ័យ និងជាង២៦%ឬស្មើនឹង១៧៣នាក់ ជាកុមារ និងជាង៨% ឬស្មើនឹង៤៥នាក់ជាកុមារអាយុក្រោម៥ឆ្នាំ។

សមាគមវៀតណាមស្នើសុំសាលារាជធានីភ្នំពេញផ្ដល់ទីតាំងថ្មីសម្រាប់ពលរដ្ឋខ្លួនដែលរុះរើចេញពីទន្លេ

សមាគមវៀតណាមបានស្នើសុំឱ្យសាលារាជធានីភ្នំពេញផ្ដល់ទីតាំងថ្មីសម្រាប់ពលរដ្ឋវៀតណាម ដែលត្រូវអាជ្ញាធរបានបង្ខំឱ្យរុះរើផ្ទះបណ្ដែតទឹកនិងបែចិញ្ចឹមត្រីចេញពីដងទន្លេក្នុងភូមិសាស្រ្ដរាជធានីភ្នំពេញ។ ការស្នើសុំនេះ បានធ្វើឡើងស្របពេលអាជ្ញាធរនៅតែបន្តប្រកាន់ជំហរ ថា នឹងលុបបំបាត់សំណង់អនាធិបតេយ្យ ផ្ទះបណ្ដែតទឹក បែចិញ្ចឹមត្រី និងផ្ទះទូកតូចៗឱ្យអស់ពីទន្លេ ដើម្បីកុំ​ឱ្យ​ប៉ះ​ពាល់ដល់បរិស្ថានបន្តទៀត។ លោក ស៊ឹម ជី ប្រធានសមាគមខ្មែរវៀតណាមបានប្រាប់សារព័ត៌មានខ្មែរណាស់នៅថ្ងៃអង្គារ៌ទី៨មិថុនាថា កាលពីថ្ងៃសុក្រសប្ដាហ៍មុន​នេះ សមាគមបានដាក់លិខិទៅកាន់សាលារាជធានីភ្នំពេញ ដើម្បីស្នើសុំពន្យារពេលរុះរើសម្រាប់ពលរដ្ឋវៀតណាមប្រហែល១ពាន់គ្រួសារ ដែលកំពុងរស់នៅលើផ្ទះបណ្ដែតទឹកនិងមានបែចិញ្ចឹមត្រីនៅតាមដងទន្លេក្នុងភូមិសាស្រ្ដរាជធានីភ្នំពេញ និងបានស្នើឱ្យសាលាក្រុងគិតគួររកទីតាំងថ្មីសម្រាប់ពលរដ្ឋទាំងនោះ...

ឥណ្ឌា​មាន​អ្នក​ឆ្លង​កូវីដ​ថ្មី​ថយ​ចុះ​ក្រោម​មួយ​សែន​នាក់​ជា​លើក​ដំបូង​ក្នុង​រយៈ​ពេល​២​ខែ​នេះ​

ឥណ្ឌាបានរាយការណ៍មានអ្នកឆ្លងកូវីដថ្មីក្រោមមួយសែននាក់ក្នុងមួយថ្ងៃជាលើកដំបូង នៅក្នុងរយៈពេល២ខែចុងក្រោយនេះ។ នៅថ្ងៃអង្គារ៌នេះ ឥណ្ឌាបានរាយការណ៍មានអ្នកថ្មីត្រឹម៨៦៤៩៨នាក់ ដែលបានធ្វើឱ្យប្រទេសនេះមានករណីឆ្លងសរុបកើនដល់២៩លាននាក់ និងជាប្រទេសទី២ដែលមានករណីឆ្លងច្រើនបំផុតនៅលើពិភពលោក ខណៈសហរដ្ឋអាមេរិកនៅតែជាប្រទេសមានករណីឆ្លងច្រើនជាងគេបំផុតគឹមានចំនួនជាង៣៣លាននាក់។ក្រសួងសុខាភិបាលឥណ្ឌាបានប្រកាសថា ចំពោះអ្នកស្លាប់ថ្មីក្នុងរយៈពេល២៤ម៉ោងចុងក្រោយនេះវិញ គឺមានចំនួន២១២៣នាក់ ដែលបានធ្វើឱ្យចំនួនអ្នកស្លាប់សរុបកើនឡើងដល់៣៥១៣០៩នាក់។ ប្រទេសឥណ្ឌាបានឈានដល់ការឆ្លងខ្ពស់បំផុតគឺក្នុងមួយថ្ងៃមានអ្នកឆ្លង៤សែននាក់នៅក្នុងខែឧសភា ប៉ុន្តែការឆ្លងនិងការស្លាប់ថ្មីបានធ្លាក់ចុះជាបន្តបន្ទាប់ចាប់ពីពេលនោះមក។ ការធ្លាក់ចុះបានធ្វើឱ្យរដ្ឋរបស់ឥណ្ឌាមួយចំនួន ចាប់បន្ធូរបន្ថយការរឹតបន្តឹងខ្លះដើម្បីឱ្យអនុញ្ញាតសកម្មភាពពាណិជ្ជកម្មងើបឡើងវិញ ប៉ុន្តែរដ្ឋជាច្រើននៅតែបន្តការបិទរដ្ឋនិងមានការស្ទាក់ស្ទើរក្នុងការបើកដំណើរការរដ្ឋឡើងវិញ។ ស្របពេលចំនួនឆ្លងនៅទូទាំងប្រទេសកំពុងធ្លាក់ចុះនេះ រដ្ឋាភិបាលសហព័ន្ធបានធានាថា វ៉ាក់សាំងត្រូវបានផ្តល់ជូនដោយឥតគិតថ្លៃដល់ប្រជាជនឥណ្ឌាពេញវ័យទាំងអស់។

លោក ឃួង ស្រេង ថាមិនអាចពន្យារពេលរុះរើបែចិញ្ចឹមត្រីរហូតដល់បំណាច់ឆ្នាំតាមការអំពាវនាវឡើយ

អភិបាលរាជធានីភ្នំពេញបានបញ្ជាក់ជាថ្មីថា សាលាក្រុងមិនអាចអូសបន្លាយក្នុងការរុះរើសំណង់មិនរៀបរយ ផ្ទះបណ្តែតទឹក ឬបែចិញ្ចឹមត្រីលើផ្ទៃទឹកក្នុងភូមិសាស្ត្ររាជធានីរហូតទៅដល់បំណាច់ឆ្នាំតាមការអំពាវនាវរបស់ម្ចាស់បែចិញ្ចឹមត្រីឡើយ។ ការបញ្ជាក់នេះ ស្របពេលសាលាក្រុងបានទុកពេលត្រឹម១សប្ដាហ៍ប៉ុណ្ណោះ ដើម្បីឱ្យពលរដ្ឋរុះរើបែចិញ្ចឹមត្រីឬផ្ទះបណ្ដែតទឹកឱ្យអស់ពីដងទន្លេក្នុងភូមិសាស្រ្ដរាជធានីភ្នំពេញ។ លោក ឃួង ស្រេង អភិបាលរាជធានីភ្នំពេញបានប្រាប់សារព័ត៌មានខ្មែរណាស់ខ្លីនៅថ្ងៃទី៤មិថុនានេះថា លោកមិនអាចពន្យារពេលក្នុងការរុះរើបែរចិញ្ចឹមត្រីនេះបានទៀតទេ ដោយសារវាកំពុងធ្វើឱ្យមានផលប៉ះពាល់បរិស្ថាន និងសោភណ្ឌភាពទីក្រុង ហើយវាជាការ​សម្រេចចិត្តចុងក្រោយដើម្បីគិតគួរពីប្រយោជន៍រួមរបស់ពលរដ្ឋ។ លោកថ្លែងដូច្នេះថា៖«គាត់មិនអាចគិតតែប្រយោជន៍របស់គាត់...

ថ្ងៃនេះមានអ្នកឆ្លងកូវីដថ្មីចំនួន៨៨៦នាក់

នៅព្រឹកថ្ងៃទី៤ ខែមិថុនានេះ ក្រសួងសុខាភិបាលរាយការណ៍ករណីវិជ្ជមានថ្មីចំនួន៨៨៦ករណី ដែលធ្វើឱ្យចំនួនរកឃើញអ្នកឆ្លងជំងឺនេះកើនដល់៣៣០៧៥នាក់ ជាះស្បើយថ្មី៧៨១នាក់ និងស្លាប់ថ្មី៦នាក់។ ក្នុងចំណោមករណីវិជ្ជមានថ្មីនេះ គឺមានចំនួន៣០នាក់ ដែលជាករណីនាំចូលពីក្រៅប្រទេស។ កាលពីថ្ងៃទី៣មិថុនាម្សិលមិញមានករណីវិជ្ជមានកូវីដ១៩ ៧២៩ និងថ្ងៃទី២ ខែមិថុនា មានករណីវិជ្ជមានកូវីដ១៩ ៧៥០ករណីផងដែរ។ គិតត្រឹមថ្ងៃទី៤...
គេហទំព័រព័ត៌មានខ្មែរណាស់

ខ្មែរណាស់ (khmernas.com ) ជាគេហទំព័រសារព័ត៌មានដែលបង្កើតឡើងនៅឆ្នាំ ២០១៨ និងទទួលបានការអនុញ្ញាតពីក្រសួងព័ត៌មាន ដើម្បីផ្សព្វផ្សាយជាផ្លូវការនៅថ្ងៃទី ១៨ ខែតុលា ឆ្នាំ ២០១៩។ ខ្មែរណាស់ផ្តោតសំខាន់ទៅលើវិស័យអាទិភាពចំនួន ៤ គឺវិស័យកសិកម្ម សុខភាព បរិស្ថាន និងសេដ្ឋកិច្ច ។ #khmernas

Posted by Khmernas on Sunday, January 5, 2020




អត្ថបទពេញនិយម