ក្រុមហ៊ុន Cellcard និងក្រុមហ៊ុន Ezecom បានចុះហត្ថលេខាលើអនុស្សរណយោគយល់គ្នាកាលពីថ្ងៃទី១៧ ខែមិថុនា ឆ្នាំ២០២២ នៅការិយាល័យកណ្តាលរបស់ក្រុមហ៊ុន សែលកាត។ រូបភាព៖ Cellcard

ក្រុមហ៊ុន Cellcard ជាបណ្តាញ​​ទូរស័ព្ទ​ចល័ត​ឈាន​មុខគេនៅកម្ពុជា​ បានបង្ហាញផលិតផលថ្មីមួយ «Cellcard One» ដើម្បី​ផ្តល់ដំណោះស្រាយរួមគ្នាចំនួនពីរទាំងការភ្ជាប់ Wi-Fi និងការតភ្ជាប់ទូរស័ព្ទចល័តក្នុងកញ្ចប់តែមួយ ព្រមទាំង​ការបង់ប្រាក់ដែលត្រូវគ្នាសមស្របទៅនឹងតម្រូវការសម្រាប់​លំនៅដ្ឋាននិងអាជីវកម្មផ្សេងៗ។

ផលិតផល Cellcard One គឺជាកិច្ចសហការប្រតិបត្តិការមួយដ៍សំខាន់នៃ​បុត្រសម្ព័ន្ធរបស់ក្រុមហ៊ុន រ៉ូយ៉ាល់ គ្រុប ដោយមានការខិតខំប្រឹងប្រែងសហការគ្នារវាងក្រុមហ៊ុនបណ្តាញទូរស័ព្ទចល័ត សែលកាត និង ក្រុមហ៊ុនបណ្តាញអ៊ីនធឺណិត Ezecom ដែលនឹងចាប់ផ្តើមគម្រោង និងសេវាកម្ម មួយចំនួនផ្សេងៗទៀតជាច្រើន នាពេលអនាគត។

​ក្រុមហ៊ុន Cellcard និងក្រុមហ៊ុន Ezecom បានចុះ​ហត្ថ​លេខា​លើ​អនុស្សរណយោគយល់គ្នា​​កាលពី​ថ្ងៃទី១៧ ខែមិថុនា ឆ្នាំ២០២២ នៅការិយាល័យកណ្តាលរបស់ក្រុមហ៊ុន សែលកាត។

ក្រុមហ៊ុន Cellcard និងក្រុមហ៊ុន Ezecom បានចុះហត្ថលេខាលើអនុស្សរណយោគយល់គ្នាកាលពីថ្ងៃទី១៧ ខែមិថុនា ឆ្នាំ២០២២ នៅការិយាល័យកណ្តាលរបស់ក្រុមហ៊ុន សែលកាត។រូបភាព៖Cellcard

លោក Simon Perkins នាយកប្រតិបត្តិក្រុមហ៊ុន សែលកាត មានប្រសាសន៍ថា បុត្រសម្ព័ន រ៉ូយ៉ាល់ គ្រុប មានម៉ាកយីហោល្បីៗជាច្រើន និងសហគ្រាស ឧស្សាហកម្មធំៗមួយចំនួនផ្សេងទៀតនៅក្នុងទីផ្សារ។ វាជាពេលវេលាដ៍ល្អ សម្រាប់ពួកយើងក្នុងការចាប់ផ្តើមបង្កើតកិច្ចសហការគ្នាដើម្បីដោះស្រាយចន្លោះប្រហោង និងផ្តល់នូវបទពិសោធន៍ល្អៗនិងភាពងាយស្រួលថ្មីៗដល់អតិថិជនរបស់ពួកយើង។ Cellcard One គឺជាវេទិកាដ៏ល្អមួយសម្រាប់រៀបចំគម្រោងសហការទាំងអស់នេះ។

លោក Simon បន្តទៀតថា​ ការរួមបញ្ចូលផលិតផលរួមគ្នារបស់យើង គឺការផ្តល់ជូនថ្មីទាំង​ស្រុង សម្រាប់ទាំងបរិបទក្រុមគ្រួសារទាំងមូល និងសារអាជីវកម្ម។ដោយមានការធានាថា យើងកំពុងបំពេញតាមការសន្យានៃ«ការតភ្ជាប់អ្នកគ្រប់គ្នា ទៅគ្រប់ទីកន្លែង។

លោក​ថ្លែងដូច្នេះថា៖«ការសហការ រួមគ្នាជាមួយក្រុមហ៊ុន Ezecom និងដៃគូយុទ្ធសាស្រ្តរបស់យើងក្រុមហ៊ុន Huawei អាចផ្តល់ឲ្យ​យើងនូវផ្នែកទីផ្សារថ្មីមួយទៀត ដែលមានជាមួយនឹងភាពជឿជាក់  និងសុវត្ថិភាពបំផុតជូនដល់អតិថិជន។ ដូច្នេះហើយ មានតែ ក្រុមហ៊ុន Ezecom បណ្តាញ Fiber អុបទិច និងបណ្តាញទូរស័ព្ទចល័តដ៏ធំទូលាយរបស់ Cellcard ប៉ុណ្ណោះដែលអាចផ្តល់ជូនដល់អតិថិជនបាន»។

លោកស្រី Yuni LEE HEATHCOTE នាយកប្រតិបត្តិក្រុមហ៊ុន Ezecom មានប្រសាសន៍ថា “ការរួមបញ្ចូលគ្នានៃបច្ចេកវិទ្យាឌីជីថលគឺជារឿងមួយដែលចាំបាច់បំផុត។ ក្រុមហ៊ុន Ezecom មានសេចក្តីសោមនស្សរីករាយយ៉ាងខ្លាំង ដែលបានចាប់ដៃគូជាមួយក្រុមហ៊ុនសែលកាត ដើម្បីផ្តល់នូវតម្លៃពិសេសមួយដល់អតិថិជនរបស់យើង ហើយយើងទន្ទឹងរង់ចាំគម្រោងសហការបន្ថែមទៀតនាពេលអនាគត”។

គម្រោង Cellcard One Home គឺជាគម្រោងដែលផ្តល់ល្បឿនអ៊ីនធឺណិតលឿនបំផុតក្នុងជួរតម្លៃប្រកួតប្រជែងនៅក្នុងទីផ្សារ។ ការបញ្ចូននូវល្បឿនលឿន 20Mbps ជាមួយនិង បណ្តាញ Fiber អុបទិច និងបន្ថែមជាមួយនិងស៊ីមកាត 4G ចំនួន៣ជាមួយនឹងការហៅទូរសព្ទដោយឥតគិតថ្លៃទៅកាន់សមាជិក បូករួមបន្ថែមជាមួយនឹង​ទិន្នន័យ 3GB និង ៦០នាទីសម្រាប់ការខលក្នុងប្រព័ន្ធ ដោយគ្រាន់តែចំនាយត្រឹមតែ២៥​ដុល្លារ​តែប៉ុណ្ណោះក្នុងមួយខែ ។

លោក Simon បាន​ឲ្យដឹងទៀតថា៖«ពួកយើងយល់ច្បាស់ថាការកម្សាន្តនៅតាមផ្ទះកំពុងតែមានការផ្លាស់ប្តូរ ហើយវេទិកា ជាច្រើនក៍កាន់តែកើនឡើងបន្ថែមទៀត ដែលធ្វើឲ្យ​ការផ្សព្វផ្សាយតាមបណ្តាសង្គមនានា កាន់តែមានភាពទូលាយ និងសម្បូរបែប។

លោក​ថ្លែងដូច្នេះថា៖« នាពេលអនាគត យើងក៍បានឃើញថា ការកម្សាន្តនាៗ ក្នុងប្រទេសកម្ពុជាក៍ធ្វើការផ្តោតសំខាន់ជាពិសេសផងដែរ ទៅលើប្រព័ន្ធអ៊ីនធឺណិត ដែលមនុស្សជំនាន់ក្រោយៗ មានភាពយល់ដឹងច្រើនពី ផ្នែកបច្ចេកវិទ្យា នេះជាអ្វីដែលយើងកំពុងដំណើរការជាមួយនឹងគម្រោង Cellcard One Home»។

សម្រាប់គម្រោង “ផែនការអាជីវកម្ម  Cellcard One/ Cellcard One Business” គឺជាគម្រោងដែល ដែលមានការផ្តល់ជូននូវដំណោះស្រាយដ៍ល្អ ក្នុងការតភ្ជាប់សម្រាប់ អាជីវកម្មដែលមានតម្លៃល្អបំផុត ដែលត្រូវបានគិតគូរឡើងជាពិសេស សម្រាប់សហគ្រាសធុនតូច និងមធ្យម។ ការបញ្ចូននូវល្បឿនលឿន 30Mbps បណ្តាញ Fiber អុបទិច និងបន្ថែមជាមួយនិងស៊ីមកាត 4G ចំនួន10 ជាមួយនឹងការហៅទូរសព្ទដោយឥតគិតថ្លៃទៅកាន់សមាជិក រួមបន្ថែមជាមួយនិង ទិន្នន័យ 5GB និង 100 នាទីសម្រាប់ការខលក្នុងប្រព័ន្ធ ដោយគ្រាន់តែចំនាយត្រឹមតែ$69 តែប៉ុណ្ណោះក្នុងមួយខែ ។

សម្រាប់គម្រោងផែនការអាជីវកម្ម / Cellcard One Business ត្រូវបានបង្កើតឡើងដោយគិតគូរជាពិសេស ចំពោះសហគ្រាសធុនតូច និងមធ្យម ដែលអនុញ្ញាតឱ្យពួកគេ ទទួលបាននូវដំណោះស្រាយគ្រប់ជ្រុងជ្រោយ និងគ្មានបញ្ហា ហើយផ្តល់ជូននូវ អ៊ីនធឺណិតដែលមានគុណភាពល្អបំផុត ដើម្បីគាំទ្រអោយអាជីវកម្មរបស់ពួកគេកាន់តែប្រសើរឡើង៕