ក្រុម Pestech មានឯកទេសក្នុងការផ្តល់នូវដំណោះស្រាយដ៏ទូលំទូលាយសម្រាប់រោងចក្រថាមពលពន្លឺព្រះអាទិត្យ និងការអភិវឌ្ឍហេដ្ឋារចនាសម្ព័ន្ធថាមពលប្រកបដោយនិរន្តរភាព។ រូបភាព៖ ដកស្រង់ពីក្រុមហ៊ុន Pestech

ក្រុមហ៊ុន Pestech International Bhd បានចុះអនុស្សរណៈយោគយល់គ្នាជាមួយក្រុមហ៊ុន Hydrogène De France SA (HDF Energy) ដែលចុះបញ្ជីនៅប៉ារីស ទាក់ទងនឹងកិច្ចសហការដ៏មានសក្តានុពល លើការផលិតអ៊ីដ្រូសែនបៃតងពីរោងចក្រថាមពលវារីអគ្គិសនីនៅកម្ពុជានិងម៉ាឡេស៊ី  ដើម្បីដោះស្រាយបញ្ហាពហុវិស័យ។

ក្រុមហ៊ុន Pestech បានឲ្យដឹងតាមរយៈអនុស្សរណៈយោគយល់គ្នានៅថ្ងៃនេៈថា កិច្ចសហប្រតិបត្តិការដ៏មានសក្តានុពល នឹងដោះស្រាយផ្នែកជាច្រើន ដូចជា ការដកកាបូនឌីអុកស៊ីតចេញពីទឹក(decarbonation) និងកម្មវិធីឧស្សាហកម្ម។

Pestech គឺជាក្រុមហ៊ុនបច្ចេកវិទ្យាថាមពលអគ្គិសនីរួមបញ្ចូលគ្នារបស់ប្រទេសម៉ាឡេស៊ី ជាមួយនឹងអាជីវកម្មស្នូលរបស់ខ្លួនក្នុងការរចនាលទ្ធកម្ម ការសាងសង់ ការដំឡើង និងការដាក់ឱ្យដំណើរការនៃស្ថានីយតង់ស្យុងខ្ពស់ និងតង់ស្យុងខ្ពស់បន្ថែម ខ្សែបញ្ជូន ក៏ដូចជា ប្រព័ន្ធខ្សែថាមពលក្រោមដី និងក្រោមបាតសមុទ្រសម្រាប់ការបញ្ជូន និងចែកចាយអគ្គិសនី។

Pestech ក៏មានឯកទេសក្នុងការផ្តល់នូវដំណោះស្រាយដ៏ទូលំទូលាយសម្រាប់រោងចក្រថាមពលពន្លឺព្រះអាទិត្យ និងការអភិវឌ្ឍន៍ហេដ្ឋារចនាសម្ព័ន្ធថាមពលប្រកបដោយនិរន្តរភាព។

តាមរយៈអនុស្សរណៈយោគយល់គ្នា ភាគីទាំង២នឹងធ្វើកិច្ចសហប្រតិបត្តិការរួមគ្នាសម្រាប់ការងារអភិវឌ្ឍន៍ទាក់ទងនឹងគម្រោងក្នុងតំបន់នៃប្រទេសម៉ាឡេស៊ី និងកម្ពុជាជាដំណាក់កាលដំបូង។ ក្រុមហ៊ុន HDF Energy នឹងនាំមុខគេលើវិសាលភាពនៃការអភិវឌ្ឍន៍គម្រោងនិងទំហំ។

Pestech នឹងដើរតួនាទីជាអ្នកទំនាក់ទំនងទីផ្សារក្នុងស្រុក និងការសម្របសម្រួលក្នុងកិច្ចសហប្រតិបត្តិការជាមួយក្រុមហ៊ុន HDF Energy ។

“អនុស្សរណៈយោគយល់គ្នារវាងភាគីទាំង២នឹងអនុញ្ញាតឱ្យក្រុមហ៊ុន Pestech ផ្តួចផ្តើមការប្តេជ្ញាចិត្តរបស់ខ្លួនឆ្ពោះទៅរកការរួមចំណែកអភិវឌ្ឍន៍ប្រកបដោយចីរភាពតាមរយៈការចូលរួមក្នុងគំនិតផ្តួចផ្តើមបង្កើតឡើងវិញបៃតង។អ៊ីដ្រូសែនគឺជាជម្រើសឈានមុខគេមួយសម្រាប់ការរក្សាទុកថាមពលកកើតឡើងវិញក្នុងការផលិតថាមពល ហើយអាចក្លាយជាឥន្ធនៈជំនួសសម្រាប់ការដឹកជញ្ជូនប្រកបដោយនិរន្តរភាព ដោយផ្តល់នូវថាមពលស្អាតគួរឱ្យទុកចិត្តសុវត្ថិភាព ភាពងាយស្រួល និងតម្លៃសមរម្យ។

ការសហការជាមួយ ក្រុមហ៊ុន HDF Energy លើការផលិតអ៊ីដ្រូសែនពណ៌បៃតង ត្រូវបានគេរំពឹងថានឹងបំពេញបន្ថែម និងតម្រឹមជាមួយនឹងការផ្លាស់ប្តូរសកលសម្រាប់ថាមពលប្រកបដោយនិរន្តរភាព និងការបំភាយសូន្យសុទ្ធនៅក្នុងផ្នែកផលិតថាមពល និងផ្នែកអគ្គិសនីផ្លូវដែកÈ ក្រុមហ៊ុន Pestech បាននិយាយនៅក្នុងឯកសារផ្សារហ៊ុននៅថ្ងៃនេះ។

MoU នឹងនៅជាធរមានរយៈពេលបីឆ្នាំ។ វាត្រូវបានគេរំពឹងថានឹងរួមចំណែកជាវិជ្ជមានដល់ប្រាក់ចំណូលនាពេលអនាគតរបស់ក្រុម Pestech ប្រសិនបើកិច្ចសហការរវាងភាគីទទួលបានជោគជ័យ៕