មនុស្សយ៉ាងតិច២៤នាក់បានស្លាប់ដោយសារទឹកជំនន់ វាយប្រហារនៅភាគខាងត្បូងប្រទេសឥណ្ឌា បន្ទាប់ពីមានភ្លៀងធ្លាក់យ៉ាងខ្លាំងបណ្តាលឱ្យទឹកទន្លេហូរកាត់ផ្តាច់ទីប្រជុំជនិននិងភូមិអ្នកស្រុកមួយចំនួន។
កុមារ៥នាក់ ក៏ស្ថិតក្នុងចំណោមអ្នកស្លាប់ដែរ ខណៈមានការភ័យខ្លាចថា ចំនួនអ្នកស្លាប់អាចកើនឡើងបន្ថែមទៀតដោយសារមនុស្សជាច្រើននាក់កំពុងបាត់ខ្លួន។
ផ្ទះជាច្រើនខ្នងត្រូវបានទឹកកួចយកទៅ។ វីដេអូបានបង្ហាញ អ្នកដំណើរក្នុងរថយន្តក្រុង កំពុងត្រូវបានជួយសង្គ្រោះបន្ទាប់ពីរថយន្តរបស់ពួកគេត្រូវទឹកជន់លិច។ Kottayam និង Idukki គឺជាស្រុកពីរ ដែលរងផលប៉ះពាល់ធ្ងន់ធ្ងរបំផុតនៅក្នុងរដ្ឋ Kerala ។ ភ្លៀងធ្លាក់ខ្លាំងជាច្រើនថ្ងៃក៏បានបណ្តាលឱ្យបាក់ដីសម្លាប់មនុស្សដែរ។
មន្រ្តីបាននិយាយថាឧទ្ធម្ភាគចក្រយោធាកំពុងត្រូវបានប្រើដើម្បីហោះហើរក្នុងការផ្គត់ផ្គង់ស្បៀងទៅប្រជាជនក្នុងតំបន់ដែលមានមនុស្សជាប់ដោយសារទឹកជំនន់។
កាលពីថ្ងៃអាទិត្យម្សិលមិញ លោក Pinarayi Vijayan មន្រ្តីរដ្ឋបាលរដ្ឋ Kerala បាននិយាយថា កាលពីថ្ងៃអាទិត្យថាមនុស្សរាប់ពាន់នាក់ត្រូវបានជម្លៀសចេញពីទឹកជំនន់ ហើយជំរុំសង្គ្រោះបន្ទាន់សម្រាប់អ្នកភៀសខ្លួនជាង១០០ ត្រូវបានបង្កើតឡើងនៅទូទាំងរដ្ឋ។
នាយករដ្ឋមន្រ្តីឥណ្ឌាលោក នរិន្ទ្រ ម៉ូឌី បានសរសេរនៅក្នុងប្រព័ន្ធទ្វីតធឺ សម្ដែងទុក្ខក្រៀមក្រំចំពោះមនុស្សជាច្រើននាក់ដែលបានស្លាប់ដោយសារទឹកជំនន់និងគ្រោះបាក់ដីនេះ៕
ប្រភព៖BBC
- ឱកាសការងារនៅអង្គភាពសារព័ត៌មានឌីជីថល ខ្មែរណាស់ - នៅថ្ងៃទី 03/11/2021
- រដ្ឋាភិបាលបន្តផ្ដល់ប្រាក់ឧបត្ថម្ភ៤០ដុល្លារដល់កម្មករក្នុងវិស័យកាត់ដេរនិងទេសចរណ៍រហូតដល់ខែធ្នូ - នៅថ្ងៃទី 29/10/2021
- សមាគមអ្នកចិញ្ចឹមសត្វ ស្នើឲ្យខេត្តជាប់ព្រំដែនទប់ស្កាត់ការហូរចូលជ្រូកខុសច្បាប់ពីវៀតណាម ដើម្បីជួយកសិករក្នុងស្រុកកុំឲ្យក្ស័យធន - នៅថ្ងៃទី 27/10/2021
