សាកលវិទ្យាល័យ Johns Hopkins បានរាយការណ៍កាលពីថ្ងៃអង្គារ៌ម្សិលមិញថា ចំនួនអ្នកស្លាប់​របស់ពលរដ្ឋអាមេរិកដោយសារជំងឺឆ្លងកូវីដ១៩ បានឆ្លងដល់កំណត់ត្រាថ្មីមួយទៀត​គឺ​មួយថ្ងៃមានជិត ៤ ៥០០ នាក់។

ស្របពេលវិបត្តិសុខភាពកើនដល់កម្រិតមិនអាចគ្រប់គ្រងបាននៅសហរដ្ឋអាមេរិក នេះគឺជាលើកទីមួយហើយដែលចំនួនអ្នកស្លាប់បានកើនឡើងដល់ ៤០០០ នាក់ក្នុងរយៈពេលត្រឹម២៤ម៉ោង។ សហរដ្ឋអាមេរិកបានកត់ត្រាករណីឆ្លងថ្មី ២៣៥.០០០ នាក់ និងអ្នកស្លាប់ចំនួន ៤.៤៧០ នាក់។



មនុស្សប្រហែល ១៣១.០០០ នាក់កំពុងស្ថិតនៅក្នុងមន្ទីរពេទ្យនៅសហរដ្ឋអាមេរិកដោយ​សារមានជំងឺកូវីដ១៩។ អត្រាស្លាប់ជាមធ្យមប្រចាំសប្តាហ៍ គឺស្ថិតក្នុងកម្រិតខ្ពស់បំផុតចាប់​តាំងពីការរាតត្បាតរាតត្បាតនេះ។

ប្រឈមមុខនឹងតួលេខដ៏សែនអាក្រក់ទាំងនេះ រួមទាំងវត្តមានននៃវីរុសបម្លែងថ្មីដែលអាចរាលដាលខ្លាំងជាងមុន អាជ្ញាធរអាមេរិកបានប្រកាសនៅថ្ងៃអង្គារ៌ថា អ្នកដែលមានបំណងហោះហើរមកកាន់សហរដ្ឋអាមេរិក ត្រូវតែបង្ហាញភស្តុតាងនៃការធ្វើតេស្តអវិជ្ជ​មាន​កូវីដ១៩មុនពេលចេញដំណើរ៕