ពេល Messi និយាយថា «​ខ្ញុំត្រូវរង់ចាំអស់ពេល ១៧ឆ្នាំ និង១១៤ថ្ងៃ​ ទម្រាំទទួលបានជោគជ័យ» តើអ្នក​ដឹងទេថា គាត់សម្ដៅលើការប្រកួតណាមួយ?

Lionel Messi ខ្សែប្រយុទ្ធដ៏ឆ្នើម​បំផុត​របស់​ Barcelona ធ្លាប់និយាយថា៖ «ខ្ញុំចាប់ផ្ដើមពីព្រលឹម ហើយបញ្ចប់ទៅវិញនៅពេលយប់ជ្រៅ ជាច្រើនថ្ងៃ ជាច្រើនឆ្នាំ ខ្ញុំត្រូវចំណាយពេលអស់ ១៧ឆ្នាំ និង១១៤ថ្ងៃទើបទទួលបានជោគជ័យ»។

នោះគឺជាការពិតដែលបានកើតឡើងចំពោះកីឡាកររូបនេះ ដែល​បានឆ្លងកាត់ពេលវេលាជាច្រើនឆ្នាំប្រកបដោយបញ្ហា​ពាក់ព័ន្ធនឹងការលូតលាស់​មិនប្រក្រតី និងឆ្លងកាត់ការងារលំបាកៗជាច្រើន​​នៅទីក្រុង Rosario ប្រទេសអាស្សង់ទីន។



គេបានប្ដូរមករស់នៅទីក្រុង Barcelona ដើម្បីព្យាបាល​បញ្ហាសុខភាពរបស់គេ និងបានចូលរួមលេងក្នុងក្រុម​ថ្នាល Masia របស់ Barcelona ដោយឡើងពីក្រុម Barca C មកលេងនៅ Barca B។

នៅថ្ងៃទី២៤ ខែតុលា ឆ្នាំ២០០៤ គ្រូបង្វឹកសញ្ជាតិហូឡង់របស់ Barcelona គឺលោក Frank Rhijkaard បានប្ដូរកីឡាករ Deco ដែលពាក់​អាវលេខ២០ ចេញ ជំនួស​ដោយកីឡាករ​វ័យក្មេងដែល​មិនមាននរណាស្គាល់ ដែលពាក់អាវលេខ៣០។ ពេលនោះគេទើបតែមានអាយុ ១៧ឆ្នាំ និង១១៤ថ្ងៃប៉ុណ្ណោះ។ ថ្ងៃនោះ គឺជាការប្រកួតរវាងក្លឹប Espanyol ជាមួយ Barcelona ដែលមានអ្នកទស្សនាចំនួន ៣ម៉ឺននាក់។ ថ្ងៃនោះគឺជាការចាប់ផ្ដើម​នៃអាជីពដ៏ជោគជ័យរបស់កីឡាករខ្សែប្រយុទ្ធរូបនេះ៕

ប្រភព៖ Ekemezie Okechukwu​ on Quora