ប៉ូលីសអូស្រ្ដាលីបាននិយាយថា មូលហេតុនាំឱ្យមានការបិទនៅទូទាំងរដ្ឋ South Australia គឺដោយសារ ពាក្យកុហករបស់បុរសម្នាក់ដែលផ្ទុកជំងឺកូវីដ១៩ ដែលបានប្រាប់​មក​មន្ត្រីថា ខ្លួនគ្រាន់តែជាអ្នកទៅទិញភីហ្សានៅក្នុងហាងប៉ុណ្ណោះ ប៉ុន្តែតាមពិតបុរសនេ គឺ​ជាបុគ្គលប្ដូរវេនរបស់ហាងភិហ្សា។

រដ្ឋអូស្រ្ដាលីខាងត្បូង គឺបានចាប់ផ្ដើមបិទរដ្ឋយ៉ាងតឹងរឹងតាំងពីថ្ងៃពុធ បន្ទាប់ពីរដ្ឋនេះបាន​រកឃើញមនុស្សចំនួន៣៦នាក់ឆ្លងជំងឺកូវីដ១៩ រួមទាំងករណីដំបូងដែលបានរកឃើញ​ក្នុងរដ្ឋនេះចាប់តាំងពីខែមេសាមក។

ប៉ុន្តែមន្រ្តីបាននិយាយថា ការបិទរដ្ឋនេះនឹងមិនកើតឡើងឡើយ ប្រសិនបើបុរសនោះបាន​ប្រាប់ការពិតថា ខ្លួនជាអ្នកធ្វើការប្តូរវេននៅហាងលក់ភីហ្សា ហើយមិនកុហកថាគ្រាន់តែទៅហាងនោះដើម្បីទិញភីហ្សានោះទេ ខណៈអាជ្ញាធរនៅជម្រើសច្រើន ដើម្បី​ជៀស​ផុតពីការបិទរដ្ឋដែលនាំឱ្យប៉ះពាល់សេដ្ឋកិច្ចខាតបង់រាប់លានដុល្លារបែបនេះ។

ការផ្ដល់ព័ត៌មានមិនពិតបែបនេះនេះ បានធ្វើឱ្យមន្រ្តីសុខាភិបាលសន្មតថា បុរសនេះបាន​ឆ្លងវីរុសនៅក្នុងកំឡុងពេលនៃការប៉ះពាល់រយៈពេលខ្លីនៅហាងភីហ្សា នឹងអាចជាប្រទេស​គួរប្រុងប្រយ័ត្នដែលនាំឱ្យមានការឆ្លងនៅក្នុងសហគមន៍។



ប៉ុន្តែលោក Steven Marshall អភិបាលបានរដ្ឋ South Australia បានថ្លែងនៅក្នុងសន្និសីទសារព័ត៌មានមួយថា ទំនាក់ទំនងជិតស្និទ្ធរវាងកម្មករទាំងពីរនៅក្នុងហាងលក់​ភីហ្សានេះ គឺបានពន្យល់ពីការចម្លងវីរុសនេះ ហើយវាមិនទំនងថាវីរុសអាចត្រូវបានរីក​រាល​ដាលពាសពេញសហគមន៍ដោយមិនមានការព្យាបាលនោះទេ។

កាសែត Sydney Morning Herald បានរាយការណ៍ថា បុរសដែលនិយាយកុហកនេះ គឺអ្នកបានធ្វើការជាមួយសន្តិសុខម្នាក់ដែលបានឆ្លងវីរុសនេះនៅឯសណ្ឋាគារមួយ ដែលកន្លែង​ដាក់មនុស្សឱ្យនៅដាច់ដោយឡែកដោយសារជំងឺកូវីដ។ សន្ដិសុខនោះ គឺជាបម្រើការងារពីរកន្លែងផ្សេងគ្នា។

ទោះជាយ៉ាងណា អាជ្ញាធរមិនបានដាក់ទណ្ឌកម្មចំពោះបុរសនិយាយកុហកនោះឡើយ ដោយសារការប្រើទណ្ឌកម្មមិនជាប់ពាក់ព័ន្ធនឹងការនិយាយកុហក៕